by

Pre-eskolar 30 de Agosto seidauk asesu ba Fatin Halimar

Pre-eskolar 30 de Agustu, suku Fuiloru Posto Administrativu Lospalos Municipiu Lautem, seidauk asesu ba play ground ga fatin halima atu fasilita estudante sira hodi halimar iha eskola refere.

coordenadora pre-eskolar 30 de Agustu, Marquita da conseincao ba jornalista rcl iha nia servisu fatin hateten katak, atu atrai labarik sira hodi aprende buat ruma iha pre-eskola ne’e presija iha fatin halimar ida, maibe iha eskola refere la iha fatin halimar hodi fasilita labrik sira iha eskola.

” iha ami nia eskola, halimar fatin ba labarik sira nian la iha tamba labarik sira dadersan mai iha eskola ne’ e tenke halimar mak foin aprende maibe komu ami nia halimar fatin la iha labarik sira lansung tama aula hodi halimar deit iha sala laran ” dehan Marquita.

Nia haktuir tan katak , preokupasaun ne’e servisu edukasaun municipiu lautem mai hare ona direitamente maibe to’o agora seidauk iha rezultadu ruma.

” Ami rasik siedauk hato’o, maibe parte edukasaun mai hare katak ami nia halimar fatin la iha maibe nunsa mak to’o agora seidauk bele iha rezultadu ruma ” nia haktuir.

Hatan ba Preokupasaun ne’ e, chefe depertamento dezenvolvimentu gestaun parte eskolar edukasaun municipiu lautem, Amelia Julieta Bello hateten katak / servisu edukasaun municipiu lautem iha ona planu atu halo konstrusaun foun ba pre-eskolar 6 iha municipiu Lautem kompostu husi pre-eskolar 30 de Agustu, pre-eskolar Muapitine, pre-eskolar Mahina Primeiru, pre-eskolar Kuluhun, Pre-eskolar Leuro no Pre-eskolar Holinere Bauro Maibe depende ba orsamentu geral tinan 2021.

” Planu ba tinan 2021 iha eskola 6 neen maka iha ona processu nia laran atu halo play ground maibe ne’e depende OJE karik hetan aprovasaun ne’e ita sei halo ba eskola nebe iha ona dados ” Amelia Hatan preokupasaun.

Dadaun ne’e Total estudante iha pre-eskolar 30 de Agustu hamutu 79.

Jornalista : Marito savio

Editor : Nascimento Provincial

Comment