Lospalos 11/01/2021
Administrador Foun ba Municipio Lautem Dominggos Savio , Segunda Feira ne`e ofisialmente Hetan ona Pose Husi Ministro Administrasaun Estatal Ministerio ga MAE iha Salaun Administarasaun Municipio Lautem , hodi Kontinua Servisu Administrasaun Municipio Lautem ,hodi servi no Dezenvolve diak Liu tan Municipio .
Ministro Administrasaun Estatal , Miguel Pereira De Carvalho iha serimonia tomada de posse /segunda feira ne’e hateten katak, administrador nivel municipial maka reprezentante governu central nian iha municipal,hodi dirije servisu administrasaun municipal nian no asegura funsionamentu administrasaun estado nian iha municipiu sira, no mos responde ba aktividades sira hotu ba iha governu central .
Governante ne’e mos haktuir tan katak , hanesan reprezentante governu iha nivel municipiu, hodi dirije no ezerce kompetensia sira nebe governu deskoncentra ona ba iha municipiu sira . mak hanesan sektor edukasaun , saude , agrikultura no hortikultura , infrastrutura no sectores sira seluk .
Iha Sorin seluk administrador sesante , Zeferino dos Santos Sequeira hateten katak nia parte sei nafatin servisu hamutuk ho administrador foun hanesan funsionario ida , hodi kontinua lori municipiu ida ne’e ba oin .
Administrador foun municipiu lautem, Domingos Savio hateten katak, nia parte sei Kontinua Servisu balun nebe sidauk la`o no haforsa Servisu nebe mak La`o tiha ona iha Municipio Lautem . Entertantu : serimonia tomada de posse ba administrador foun municipiu lautem ne`e partisipa Direita husi Vice Ministro Administrasaun Estatal , Vice Ministro Komersio Industria , Secretario do Estado Komunikasaun Sosial , Maijor General Falentil –Forsa Defeja de Timor Leste ga F-FDTL , Directores no Autoridades Comunitario sira iha Municipio Lautem .
JORNALISTA MARITO BERNADINO
EDITOR ; NASCIMENTO PROVINÇIAL
