by

PNDS Sei halo Konstrusaun Uma Kbi`it Laek hamutuk Atus Ida Rua iha Municipio Lautem

LOSPALOS 28/01/2021

Bajeia ba Planu Governo Central  katak , Programa Nasional Dezenvolvimento Suco ga PNDS Municipio Lautem ba Tinan ida ne`e  , Sei hari`i Uma  Atus Ida Rua , ho Medida  Seis  Vejes  Seis  ba  Kbi`it La`ek Sira iha Municipio Lautem.

Director PNDS Municipio Lautem Acasio de Carvailho ba Jornalista RCL Iha nia Kna`ar fatin Quinta Feira ne`e hateten katak , PNDS Sei  Hari`i Uma Tolu iha Aldeia ida ba kada Suco  , Nune`e Total Uma nebe hari`i ba Tinan ida ne`e, Hamutuk Atus Ida Rua iha Suco Tolu Nolu Resin Hat iha Municipio Lautem .

Director ne`e mos Afirma katak , Kona ba Implementasaun Hari`i Uma ba Kbi`it Laek Iha Municipio Lautem , Parte PNDS hahu hala`o Sosialijasaun Nivel Municipal , no Sei Kontinua ba Nivel Posto No Sucos.

Acasio mos Declara katak ,Alokasaun Orsamento sei hare`e husi Tipu Uma nian , tamba Uma nebe atu hari`i ne`e iha Tipu Rua mak hanesan Tipu Primeiro Uma ho Kuarto Tolu , sala Han Nian , Dapur no Haris Fatin , no Tipu Segundu mak , Uma ho Kuartu Rua , Sala Ida ,Dapur no Haris Fatin , nune`e Alokasaun Orsamento Husi Dolares Americano Rihun Sanolu Resin Hat to`o Rihun Sanolu Resin Hitu.

Entretanto ; Equipa Verifikasaun sei  tun  Direita ba Aldeia  , hodi hala`o Verifikasaun de dadus ba Kbi`it Laek Sira , nune`e bele Bajeia ho dadus nebe Konkreto , nune`e bele hamosu Satisfasaun Entre Benefisiario ho Autoridade Sira.

JORNALISTA SINTA DA COSTA

EDITOR;NASCIMENTO PROVINCIAL

Comment