by

Programa merenda eskolar tinan ida ne’e , ba faze dahuluk sei implementa hikas iha Fulan Fevereiro .

LOSPALOS 29/01/2021

programa merenda eskolar ba faze dahuluk sei hahu implementa iha municipiu Lautem iha fulan fevereiru tinan ida ne’e , tamba dadaun ne’e diresaun edukasaun municipiu Lautem liu husi seksaun Merenda eskolar halo ona proposta hodi submete ba Finansas Administrasaun muncipal hodi aloka orsamentu ba kada konta bankaria eskola  tuir dados estudante sira nian.

Informasaun ne’e hato’o husi responsavel programa merenda eskolar iha edukasaun municipiu Lautem , Angelu da costa lopes ba jornalista RCL iha nia knar fatin sexta feira semana ne’e.

Angelu ne’e mos haktuir tan katak , total orsamentu ba programa merenda eskolar ba faze dahuluk ba Fulan Rua nia Laran hamutuk Loron tolu nolu resin neen  ba  Pre Escolar, Filial no Central ne’e hamutuk rihun atus ida neen nolu resin sia , hitu nolu resin ha’at dolares Amerikanu.

Entertantu : programa Merenda eskolar ba faze dahuluk nian  iha municipiu Lautem ne’e sei implementa iha fulan fevereiru tinan ida nia laran.

JORNALISTA MARITO BERNADINO

EDITOR;NASCIMENTO PROVINCIAL

Comment