by

Director Edukasaun Municipiu Lautem Husu Ba Eskola Sira Hotu Atu Kompri Nafatin Regras Estadu Emergensia.

LOSPALOS 02/03/2021

Atu evita Estudante sira husi Transmisaun Surtu Covid -19 iha municipiu Lautem , Director Edukasaun Municipiu Lautem husu ba Eskola sira atu kompri nafatin protokolu husi Ministerio Saude no Organizasaun Mundial Saude ga OMS nian .

Director Edukasaun Municipiu Lautem , Rui Manuel Branku ba Jornalista RCL iha nia servisu fatin Tersa feira 02/03/2021 ne’e hateten katak , maske Nasaun Timor- Leste kontinua rejista kazu pozitivu surtu Covid 19 , maibe processo aprendijagen lao nafatin , tan ne’e nia husu atu Eskola sira iha Municipiu Lautem tenke mantein halo distansimentu fiziku , uza maskra no fase liman Beibeik inklui halo disenfekta ba kada eskola minimu semana ida dala rua , hodi bele prevene estudante sira husi transmisaun surtu corona virus.

Director Edukasaun ne’e mos haktuir tan katak , ba eskola sira nebe seidauk iha equipamentus prevensaun corona virus nian , Ministerio Edukasaun liu husi Diresaun Edukasaun Municipal sei esforsu hodi buka equipamentos  Prevensaun nian hodi fasilita eskola sira.

Relasiona ho Informasaun nebe hateten atu Suspende Ensino Aprendijajen iha Teritorio Timor laran Tomak iha Periodu Estado de Emergensia ba Dala Sanolu Resin Ida ne`e , Director Servisu Edukasaun Municipio Lautem hateten katak , Nia parte Sidauk Hetan Orientasaun husi Ministerio Edukasaun , Nune`e Ensino Aprendijajen iha municipio Lautem Kontinua La`o.

Entertantu : Eskola Hotu iha Municipio Lautem Kontinua Kumpri Regras Estado de Emergensia hodi halo Prevensaun ba Transmisaun Surtu Covid-19.

JORNALISTA MARITO SAVIO

EDITOR;NASCIMENTO PROVINCIAL

Comment