Equipa Task Force ba Prevensaun Transmisaun Local Covid-19 Iha Municipio Lautem ,Segunda Feira (15/03/2021) ne`e hala`o Encontro hodi koalia kona ba Asaun no Regras sira kona ba Oinsa atu bele Evita Povu Municipio Lautem husi Transmisaun Local Covid-19 Iha Municipio Lautem.
Administrador Municipio Lautem Domingos Savio ba Jornalista RCL hafoin Encontro ne`e hateten katak , Encontro ida ne`e ho Objetivo Enkontro ne`e atu koalia liu kona ba Regras no Asaun sira nebe Equipa Task Force Municipio Lautem foti hodi Bele Prevene Povu Sira husi Transmisaun Local Covid-19,no Fahe mo Responsabilidade ba Kada Seksaun hodi Hala`o Kna`ar iha Equipa nia laran.
Administrador Municipio Lautem nebe mos sai Responsavel Masimo ba Equipa Task Force ida ne`e hateten mos katak , Maske Equipa Task Force Ne`e iha kondisaun nebe minimu maibe , Oinsa Equipa ne`e rasik Uja Kapasidade hodi bele Prevene Povu husi Transmisaun Local Covid-19.
Administrador Municipio Lautem mos hateten tan katak , Liu husi enkontru ne`e deside ona atu Administrasaun Municipio liu husi Equipa Task Force Covid-19 Municipio Lautem hodi fo Autorijasaun liu husi Guia de Marsa ba Emprejario sira iha Municipio ne`e atu bele asesu ba Pontu Entrada Laivai , hodi ba Sosa Nececidade Bazico iha Kapital Dili , hodi Fa`an hikas ba Povu Sira iha Municipio Lautem.
Entretanto; ba Dada`un ne`e Administrasaun Municipio Lautem , liu husi Equipa Task Force Prevensaun Covid-19 Koloka ona Equipa Vijilansia kompostu Husi Membro Polisia no Pesoal Sa`ude Sira iha Pontu Entrada Laivai nian , hodi bele Kontrola Movimento Ema no Transporte nian durante Oras Rua Nolu Resin hat nia laran .
JORNALISTA ; ERMELINDA DA SILVA PEREIRA
EDITOR ; NASCIMENTO PROVINCIAL
