by

Equipa Vijilansia Prevensaun Covid-19 Municipio Lautem Aprejenta ona Amostra hamutuk 80 ba Laboratorio Nasional hodi halo Ejaminasaun

RCL VP NEWS 18/03/2021

Equipa Vijilansia ba Prevensaun Covid-19 Municipio Lautem , Foti Ona Amostra Comunidade Municipio Lautem hamutuk 80, husi Municipio Dili  tama Iha Pontu Entrada Laivai Municipio Lautem , no Loron18/03/2021 Aprejenta ona ba Laboratorio Nasional hodi halo Ejaminasaun ou Teste Laboratorio .

Director Servisu Sa`ude Municipio Lautem , Bernardo Amaral Lopes ba Jornalista RCL Quinta Feira ne`e hateten katak , Actividade Equipa Vijilansia Servisu Sa`ude iha Pontu Entrada Laivai ne`e hala`o bajeia ba Orientasaun husi Ministerio Sa`ude , hodi Foti Amostra wainhira Ema Ruma husi Kapital Dili Tama Iha kada Municipio .

Director ne`e mos Declara katak ,  To`o agora Parte Sa`ude Municipio Lautem Sida`uk hatene Numeru Ema nebe Tama Iha Municipio Lautem Husi Dili no Municipio Seluk , maibe Servisu Sau`ude Municipio Lautem Ejekuta nafatin Orientasaun husi Ministerio Sa`ude hodi Foti amostra ba Ema Hirak nebe tama Iha Municipio Liu Husi Pontu Entrada Laivai , no Pontu Entrada Sira Seluk nebe Identifikado ona.

Autoridade  Masimo Servisu Saude Municipio Lautem ne`e mos Informa katak , Equipa Vijilansia Servisu Sa`ude iha Pontu Entrada Laivai , Foti Ona Amostra ba Ema Na`in 80 ,no Aprejenta ona ba Laboratorio Nasional hodi Hala`o Ejaminasaun iha 18/03/2021 Madrugada , no sei fo Sai Rejultado Ejaminasaun Iha 19/03/2021.

Bernardo Amaral Lopes mos Afirma tan katak , Estudante Na`in Hitu Husi Municipio Dili Tama Tan Iha Pontu Entrada Laivai , no Na`in 2 Hetan Karta Autorijasaun Husi Centro Integrado Gestaun Crize no Na`in 5 Sira Seluk Laiha Carta Autorijasaun , Nune`e Sei Tama iha Centro Sa`ude Lautem , hodi Kontrola no Foti Kedan Amostra , tamba Ema Sira nebe Tama iha Municipio Lautem sei fo Impakto ba Povu Municipio Lautem .

Entretanto;ba Ema Hirak nebe Sai Husi Municipio Dili no Tama iha Municipio Lautem ne`e Viola Ona Desijaun Encontro Konselu Ministro kona ba Implementasaun Serka Sanitario, maske sira Aprejenta rajaun Laiha Osan no Hamlaha .

JORNALISTA ; SINTA DA COSTA NO ERMELINDA DA SILVA PEREIRA

EDITOR; NASCIMENTO PROVINCIAL

Comment