by

Uma Kain 80 Iha Area Tasi Ibun Lory , Suco Lore Primeiro la asesu Ona Naroman Ahi Eletricidade tamba Equipamento Eletricidade Naksunu Ona

Servisu Eletricidade De Timor Leste Empreja Publico ga EDTL-EP Munisipio Lautem, Sida`uk bele rezolve problema Ahi Eletrisidade nebe akontese iha Area tasi ibun Lory , suco Lore Primeiro Posto Administrativo Lospalos Munisipio Lautem , tamba kapital Dili implementa ona serka sanitaria  no blokeia dalan husi dili mai lospalos  tamba covid-19.

Supervaijor EDTL-EP Municipio Lautem Siquito dos Santos ba Jornalista RCL Quinta Feira ne`e hateten katak , Problema Ahi Eletricidade ne`e akontese tamba Gardu Eletricidade nebe Estabelese iha Area Tasi Ibun Lori  Mak Naksunu iha Loron Tersa Feira 16/03/2021 / nune`e Comunidade Ira Area Refere la Asesu Ona Ahi Eletricidade to`o agora.

Supervaizor ne`e hateten katak , Parte Servisu EDTL-EP Sida`uk bele Rejolve Problema ne`e tamba Kapital Nasaun Timor Leste Implementa ona Serka Sanitaria hodi Halo Prevensaun ba Transmisaun Local Covid-19.

Siquito Dos Santos mos Declara katak , Poblema ida ne`e nia parte Levanta ona ba Dirasaun Nasional no dada`un ne`e Parte Nasional Esforsu hela hodi Rejolve Asuntu ida ne`e maibe lada`uk Promete Tempo Implementasaun.

Entertanto: Dada`un ne`e Uma Ka`in Walu Nolu iha Area Tasi Ibun Lory mak la Asesu Ahi Eletricidade , maibe Aldeia Seluk iha Suco Lore Primeiro , Hetan Nafatin Naroman Ahi Eletricidade.

JORNALISTA SINTA DA COSTA

EDITOR;NASCIMENTO PROVINCIAL

Comment