by

Equipa Task Force Municipio Lautem hala`o Sosialijasaun kona ba Prevensaun ba Transmisaun Local Covid-19 iha Posto Administrativo Tutuala

-Notisia-137 views

RCL VP NEWS 07/04/2021

Atu Evita Povu Husi Transmisaun Local Covid-19 iha Municipio Lautem , Quarta Feira 7/04/2021 Equipa Task Force Prevensaun Covid-19 Nebe Lidera Direitamente Husi Administrador Municipio Lautem hahu hala`o Sosilaijasaun ba Prevensaun no Mitigasaun ba Transmisaun Local Covid-19 ba Autoridades Comunitario iha Suco 2 Komposto Husi Suco Tutuala no Suco Mehara iha Posto Administrativo Tutuala , Municipio Lautem .

Liu husi Sosialijasaun ne`e Administrador Municipio Lautem Domingos Savio hateten katak , Laiha Rekursu Seluk Atu Prevene Moras Covid-19 iha Municipio Lautem , Uniku Sosilija ba Comunidade Oinsa halo Prevensaun no Mitigasaun ba ida-idak nia a`an , maske ho Kondisaun nebe Limitado .

‘’ Laiha Rekursu Seluk nebe mak ita Uja hodi Prevene Moras A`at ida ne`e , maibe ho Kapasidade ita nian rasik hodi konvense ita nia Comunidade Sira liu husi Dalan Sosilijasaun ba Prevensaun no Mitigasaun nune`e Comunidade Sira bele hatene no Komprende Acto Prevensaun , tamba Liu husi ita nia Servisu hamutuk mak ita konsege halakon Kazu Pojtivo Ida iha ita nia Municipio Lautem nebe Comunidade Suco Home nebe Lori husi Kapital Dili nebe sai hanesan Area Afetado .’’ Dehan Administrador Municipio Lautem Domingos Savio ba Lideres Comunitario Husi Suco Rua iha Salaun Posto Administrativo Tutuala Quarta Feira 7/04/2021.

Nia mos Dehan rejultado teste Swab Primera no Segundo ba Ema Kuaje Atus Rua ne`e ho Rejultado Negativo no Ema nebe Hetan Kazu Pozitivo mos Rekupera ona nune`e Equipa Task Force Deside hodi Normalija hikas Activdades Sira iha Municipio Lautem nebe Suspende durante Semana Rua nia Laran .

‘’ Relasiona ho rejultado Swab  Primeiro no Segundo iha Laboratorio hoiha Laboratorio nasional  hatudu Rejultado Negativo Hotu nune`e Administrasaun Municipio Lautem , liu husi Equipa Task Force Prevensaun Covid-19 Normalija hikas Actividades Sira iha Municipio Lautem hanesan Actividades Edukasaun , Misa , Negosio no Actividades Desportu no jogu de Ajar Sira nebe Suspende Durante Seman Rua nia Laran iha Fulan Marco tinan ida ne`e ‘’.

Nune`e Administrador nebe mos Responsabilidade masimo ba Equipa Task Force Prevensaun Covid-19 Husu ba Lideres Comunitario no Comunidade Sira Hotu atu bele Informa ba Equipa Task Force wainhira Ita nia Ema Ruma nebe Mai Husi Area Afetado Sira atu copera ho Equipa Task Force hodi tama iha Fatin Qaurentina hodi tuir Teste Swab  antes Fila ba ida-iadk nian Uma .

Entretanto; Sosilijasaun ne`e Partisipa Masimo Husi , Chefe Suco no Chefe Aldeia Sira iha Posto Administrativo Tutuala , Administrador Postu Tutuala , Polisia Esquarda , Equipa Task Force Municipio Lautem no Servisos Administrasaun Posto Administartivo Sira .

JORNALISTA ; EVARISTO LOPES

EDITOR ; NASCIMENTO PROVINCIAL

Comment