by

Equipa prevensaun kovid-19 Municipiu Lautem realiza enkrontro extraordinario ho entidades sira iha Salaun Administrasaun Municipio Lautem

RCL VP NEWS 23/04/2021
Atu Deskuti kona ba Medida Prevensaun Covid-19 no oinsa Sidada`un Municipio Lautem nebe mak iha Kapital Dili Bele Fila Mai nia Municipio iha Situasaun agora , mak sai Objetivo Enkontro Ekstraordinario Equipa Task Force Prevensaun Covid-19 Municipio Lautem , nebe hala`o iha Salaun Administrasaun Municipio Lautem Sexta Feira 23/04/2021 ne`e .

Administrador Municipiu Lautem Domingos Savio iha enkontro extraordinario ne’e hateten katak ,asuntu nebe debate iha encontro Ekstraordinario ne`e maka hanesan , prepara fatin kaurentena ida iha Baliza sira nebe maka identifika ona, destakamento Pessoal Saude Muncipiu nian iha kapital Dili hodi foti Amostra Sidada`un Muncipiu Lautem nebe iha Kapital Dili, prepara fatin kuarentena ba komunidade sira nebe atu Fila Husi Kapital Dili mai municipiu no asuntu kona ba Medida Prevensaun no Mitigasaun ba transmisaun Local iha Municipio Lautem.

Iha fatin hanesan Prezidente Conselho Combatentes libertasaun Nasional Municipiu Lautem , Aurelio Freitas Ribeiro mos haktuir katak, atu bele hamutuk hodi kontra transmisaun lokal Covid-19 iha Municipiu Mautem, equipa prevensaun NO mitigasaun Covid-19 hala’o nafatin enkontro extraordinario,atu nune’e bele halibur ideas hodi bele evita transmisaun lokal kovid19 iha muncipiu lautem.

Entertantu : Enkontro extraordinario nebe hala’o iha salaun administrasaun municipiu lautem ne’e la’o diak tamba hetan partisipasaun maximu husi Membro Task Force no Autoridade Sira iha Municipio Lautem.

JORNALISTA ; MARITO SAVIO NO CHIPY

EDITOR ; NASCIMENTO PROVINCIAL

Comment