RCL VP NEWS 26/04/2021
Dadaun ne’e Restaurante Angel nebe lokalija iha Villa Lospalos Municipiu Lautem mak hetan fiar husi Equipa Prevensaun no Mitigasaun Kovid19 Municipiu Lautem,liu husi Servisu Municipal Saude,hodi prepara hahan ba Sidadaun sira nebe Hela Iha Quarentena no Izolamentu Municipiu Lautem.
Directora Restaurante Angel,Ana Fernandes Dias Quintas ba Jornalista RCL iha nia knar fatin segunda feira ne’e hateten katak,konba osan nebe kompanya refere uza hodi prepara hahan ba Ema sira iha kuarentena ne’e Kada Matabisu ema dollar ida centavos lima nolu (US$.1.50),Han meudia nian Ema ida dollar tolu centavos lima nolu,no iha fatin izolamentu ne’e la hanesan tamba,prepara hahan loron ida dala tolu,matabisu,meudia no merenda nian.
Ana fernandes haktuir tan katak, Menu ba hahan nebe atu prepara ba Sidada`un sira iha fatin Quarentena no Izolamentu mak hanesan Modo mutin,Koto, Na`an Manu,Na`an Karau,Sosis,Supermi,Mantolu,matabisu no merenda nian, susubeen ,dosi,paun no aihan sira seluk.
Entertantu : kada loron ne’e / montante osan nebe Restaurante Angel iha villa lospalos municipiu Lautem uza hodi prepara hahan ba ema sira iha kuarantena no izolamentu hamutuk dollares amerikanu atus ida resin kada loron.
JORNALISTA ; MARITO SAVIO
EDITOR ; NASCIMENTO PROVINCIAL
