RCL VP NEWS 06/05/2021
Maske Guvernu Timor Leste liu husi Encontro Konselhu Ministru deside ona hodi aplika Serka Sanitaria iha municipiu Lautem maibe , distribuisaun Cesta Bazica iha Municipiu Lautem kontinua la’o, tamba Programa ida ne`e Programa Governo nia hodi Rekupera Economia Povu nian iha Situasaun Pandemia Covid-19 .
Administrador Postu Administrativu Lospalos Municipiu Lautem , Tadio Lopes ba Jornalista RCL iha nia kna`ar fatin Quinta Feira 06/05/2021 ne’e hateten katak , maske Municipiu Lautem mos Aplika ona Serka Sanitaria , maibe distribuisaun sasan Sesta bazika iha Postu Administrativu Lospalos kontinua la’o nafatin , hodi bele responde komunidade sira nia nessesidade baziku loro-loron nian , tamba bazeia ba disijaun husi guvernu central nian .
Tadio mos haktuir tan katak , kona ba sasan Cesta Bazica nebe atu distribui ba Benefesiario sira ne’e, kompania sira iha nasional maka transporta mai iha ponto entrada laivai nian hodi entrega fali ba emprejario sira iha municipiu lautem hafoin distribui ba komunidade sira , atu nune bele evita transmisaun lokal Covid-19 iha Municipiu Lautem.
Tadio mos informa tan katak , dada`un ne`e Suco 7 Husi Suco 10 Iha Posto Administrativo Lospalos nian mak Asesu ona Distribuisaun Cesta Bazica enkuanto Suco 3 Sira Seluk sei iha Prosesu nia laran .
Entertantu : tuir Planu distribuisaun sexta bazika iha Postu Administrativu Lospalos municipiu Lautem sei remata iha fulan Maio
tinan ida ne’e nia laran
Jornalista Marito&Eremelinda
Editor;Nascimento Provincial
