by

Administrador Municipio Lautem sei Tenta nafatin Ministerio Sa`ude hodi Fasilita Makina Teste ba Laboratorio Municipio Lautem

RCL VP NEWS 12/05/2021

Relasiona ho Makina Detekta Rejultado Swab iha Municipio Lautem sida`uk iha , Prejudika Tebes ba Equipa Sa`ude nian Servisu , liu-liu Servisu Laboratorio nian hodi Detekta Rejultado Swab ho Lalais iha Municipio Lautem , tamba Durante ne`e Amostra nebe Foti iha Municipio Lautem Transporta hotu ba Baucau hafoin Hetan nia Rejultado iha Loron Tolu nia laran .

Ho Problema ida ne`e , Administrador Municipio Lautem hala`o ona Sorumutu ho Ministra Sa`ude no Director Geral Sa`ude iha Semana Rua Liu ba , hodi fasilita Makina Detekta nian ba Municipio Lautem no Kareta ida hodi fasilita Equipa Sa`ude nian iha Situasaun agora , Maibe to`o agora sida`uk iha Informasaun husi Ministerio Refere .

Administrador Municipio Lautem , Dominggos Savio ba Jornalista Sira iha nia Kna`ar fatin Quarta Feira ne`e Esklarese katak , Lolos Makina Detekta Rejultado Swab Nian nebe Iha Baucau ne`e Municipio Lautem nian , maibe tamba Baucau tama iha Area Afetado no iha Periodu Serka Sanitaria Dahuluk husi Municipio sira iha Parte Leste , ne`e duni Makina ida ne`e Transfere ba Hospital Regional Baucau nian.

Aman ba Municipio Lautem ne`e Declara katak , Nia parte sei Tenta nafatin ho Ministerio Sa`ude , Suporta Makina no Transporte ne`e hodi bele fasilita Servisu Prevensaun no Mitigasaun nian iha Municipio Lautem .

Administrador ne`e mos Rekonyese katak , Wainhira Municipio Lautem laiha Makina rasik hodi Detekta Rejultado Swab ne`e , sei fo Impakto ba Povu Sira hotu , liu-liu ba Hirak nebe mak Tama Husi Area Aftado mai Municipio Lautem .

Entretanto; Autoridade Masimo Municipio Lautem sei Esforsu nafatin hodi Kontakto ho Ministerio Sa`ude , hodi bele Suporta Servisu Equipa Task Force ba Prevensaun no Mitigasaun Covid-19 iha Municipio Lautem. Rynodekane

Comment