by

MEJD sei implementa programa Haburas Eskola iha kada pre-eskolar Pùbliku Municipiu Lautem ,hodi bele atrai Labarik sira hodi aprende iha Eskola.

RCL VP NEWS 24/05/2021

Ministerio Edukasaun Juventude e Desportu , liu husi Diresaun Edukasaun Municipiu Lautem Departamentu Pre-eskolar , sei implementa programa hafurak eskola iha kada pre-eskolar publiku sira iha municipiu lautem ,hodi bele atrai Labarik sira atu aprende iha Eskola.

Responsavel Departamentu Dezenvolvimentu E Gestaun Parque Eskolar Municipiu Lautem, Amelia Julieta Bello nebe Jornalista RCL hasoru iha nia knar fatin segunda feira ne’e hateten katak , programa Hafurak eskola ne’e hanesan programa ida husi Ministerio Edukasaun nian , hodi bele hafurak pre-eskolar publiku sira iha municipiu lautem.

Amelia mos haktuir tan katak , programa hafurak eskola ne’e hanesan konkursu ida ba Pre-Eskolar Publiku sira iha Municipiu Lautem , atu bele konkore Hafoin bele hetan programa refere.

Amelia ne’e mos deklara katak , programa hafurak eskola ne’e hetan apoiu fundus husi Ministerio Edukasaun ho Montante Dollares Amerikanu Rihun Ida Atus Rua (1200) ba kada pre-eskolar , no programa ne’e sei hare liu ba aktividade tolu mak hanesan , pinta eskola , halo reparasaun kiik no Manutensaun Uma Eskola Sira hanesan Hadia Oda Matan , Armari , Janela No Seluk Seluk Tan.

Entertantu , dadaun ne’e pre-eskolar publiku nebe eziste ona iha municipiu Lautem hamutuk sanolu resin walu (18).

Jornalista Marito Savio
Editor Nascimento Provincial

Comment