RCL VP NEWS 28/05/2021
Benefisiario husi aldeia IraAra ,Suku Fuiloro Postu Administrativu Lospalos Municipiu Lautem , hamutuk rihun ida ,atus ida rua nolu resin rua (1122) , maka hetan ona Distribuisaun Sasan Cesta Bazika , nebe distribui husi kompanya Green Solusation iha Centru Kultural Municipiu Lautem Sexta feira 28/05/2021 semana ne’e .
Cefe aldeia Ira-Ara Suku Fuiloro , Faustino da Conceincao Silva , ba Jornalista RCL iha Centru Kultural Lospalos hateten katak , Total uma kain nebe atu simu Distribuisaun Sasan Cesta Bazika Husi Aldeia Refer hamutuk Atus Rua Tolu Nolu resin Lima ( 235 ) ho total populasaun hamutuk 1.122 .
Iha fatin hanesan komunidade ida husi aldiea Ira Ara , Edmundo da Conceincao hateten katak , nia parte sente kontente tebes tamba , Guvernu bele distribui ona sasan Cexta Bazika nian ba sira , hodi bele sustenta Sira nia uma laran iha tempu defisil ne’e .
Entertantu : sasan distribuisaun cesta bazika nebe distrbui ba komunidade sira husi Aldeia Ira-Ara suku fuiloro ,postu lospalos iha centru kultural municipiu Lautem hamutuk item 16 mak hanesan , fos 5 kilo , batar 5 kilo ,kafe 5 kilo , masin midar 5 kilo , naan karau kilo 1 , bimoli 5litro ,masin , rinso , sabaun , pepsodente , Indomilk , mina Virgin no sasan sira seluk .
JORNALISTA MARITO SAVIO
EDITOR NASCIMENTO PROVINCIAL
