by

Autoridade Municipiu Lautem husu ba Komunidade sira, atu partisipa maximu iha Vaksinasaun Astrazeneka .

RCL VP NEWS 15/06/2021

Autoridade Municipiu Lautem husu ba komunidade tomak iha municipiu Lautem , atu Bele simu direita Vaksinasaun Astrazeneka tamba ne’e dalan importante ida , hodi bele hasae ida-idak nia uminidade hodi hasoru kovid-19 iha Municipiu Lautem.

Lia hirak ne’e hato’o husi Administrador Municipiu Lautem , Domingos Savio iha abertura Lansamentu Vaksinasaun Astrazenaka doze Dahuluk no Daruak nian nebe hala’o iha Centro Saude Intreinamento Lospalos , Tersa feira 15/06/2021 semana ne’e .

Administrador municipiu Lautem ne’e mos husu ba komunidade no Equipa Linha Frente sira nebe simu ona Vaksinasaun Astrazenaka Doze Daruak ne’e , atu kontinua fahe informasaun ba Komunidade atu bele hetan vaksinasaun nune’e la bele fo risku ba sira nia a’an rasik .

Iha fatin hanesan director Servisu Municipal Sa`ude , Bernardo Amaral mos haktuir tan katak ,vaksinsaun astrazenaka ne’e importante tebes ba ema hotu , hodi hasaei ida-idak nia imunidade tamba ne’e husu ba Komunidade no Front Line sira nebe simu ona vaksinasaun astrazenaka ne’e obrigatoriamente tenke sensibiliza nafatin informasaun kona ba importansia husi simu Vasinasaun ba Komunidade sira seluk , hodi bele partisipa maximu iha vaksinasaun refere .

Director servisu municipal saude ne’e mos husu ba lina frente sira atu sai ezemplo diak ba komunidade sira seluk nebe sei dauk simu vaksinasaun astrazenaka ne’e .

Emtertantu : Atu Kombate Covid-19 labele rona demais lia falsu nebe ema lansa iha Media Sosial , maibe Aprende hodi Asesu de`it Informasaun nebe Lo`os no Kredivel Husi Ministerio Sa`ude no Organijasaun Mundial Sa`ude ga OMS .

Jornalista : Marito Savio
Editor : Nascimento Provincial

Comment