by

Estrada nebe liga husi Vila Lospalos ba Aldeia Lereloho hetan Ateru ona husi IGE.

RCL VP NEWS 12/07/2021

Komunidade aldeia lereloho Suco Fuiloru, Posto Administrativo Lospalos Municipio Lautem , Sente kontente Tamba Institutu Gestaun Equipamento ga IGE Ateru ona Estrada husi Vila Lospalos ba Sira Nia Aldeia ho distansia Kiolemetro 2 ho balun.

Estrada refere Iha Tempo Indonesia sidauk Hetan Atensaun , maibe too Ulun Aan too tinan Ida nee Mak foin hetan Ateru husi IGE , hodi fasilita ho Diak Movimento Ema No Transporte Iha Aldeia Refere.
Cefe Aldeia Lere Loho , Suku Fuiloro , Joao Da Costa ba jornalista sira iha aldeia Lereloho segunda feira 12/07/2021 ne’e hateten Katak , nia parte reprezenta komunidade Lereloho sente kontente tamba IGE bele ateru estrada nebe durante ne’e sai preokupasaun komunidade no Estudante husi EBC Lulira sira.

Sefe Aldeia ne’e mos haktuir tan Katak , Agora ne’e komunidade husi aldeia lere Loho sente diak oituan ona waninhira hala’o Movimentasaun no hafasil ona Estudante sira hodi asesu eskola.

Cefe Aldeia ne’e mos informa Katak , Tuir planu IGE mos sei Halo Be’e dalan iha parte Lulira nian , hodi Responde Bee Sa’e Iha tempu Udan Boot , tamba kada tinan be’e Sempre tama komunidade sira nia uma iha aldeia Lereloho.

Entertantu : Instituto Gestaun de Equipamentus hahu atiru estrada husi estrada boot ba aldeia refere iha Sexta feira semana kotuk.

Jornalista ;Marito savio
Editor ;Nascimento provincial

Comment