RCL VP NEWS 13/07/2021
Equipa Forsa Tarefa ga Task Force ba prevensaun no mitigasaun Covid-19 Municipiu Lautem , Tersa feira 13/07/2021 ne’e , hala’o enkontro ho Lider Komunitaria no Directores da Eskola Lospalos nian iha salaun Administrasaun Municipiu Lautem , hodi koalia kona ba oinsa bele hamutuk hodi kombate Transmisaun ComunitariaCovid-19 iha nivel SuCu to’o Municipiu .
Administrador Municipiu Lautem , Domingos Savio iha enkontro ne`e hateten Katak , sorumutu ida ne’e , atu oinsa ita hamutuk funu hasoru Inimigo ne’ebe mai husi nakukun, tamba ne’e LideresKomunitario sira tenke informa nafatin ba komunidade sira, hodi mantein kompri portokolu husi Ministerio Saude no Organizasaun Saude Mundial Fo sai , nune’e bele prevene a’an husi Transmisaun Komunitario iha Municipiu Lautem .
Iha fatin hanesan Administrador Postu Administrativu Lospalos Municipiu Lautem , Tadio Lopes mos haktuir Katak , Enkontro refere ne’e realiza tamba hetan orientasaun husi Administrador Municipiu Lautem , atu nune’e Lider Komunitario sira bele rona Informasaun Konaba Medidas Prevensaun Covid-19 nian husi Administrador municipiu Lautem,hato`o hikas ba komunidade sira .
Komadante PNTL Municipiu Lautem , Superintendente Policia Antonio Rego Fernades mos hateten katak , sorumuto ne’e ho objektivu atu bele hamutuk hodi kombate Covid-19 nebe dada`un ne`e Mosu ona iha Komunidade nia Le`et iha Municipio Lautem.
Entertanto : enkontro nebe hala’o iha salaun administrasaun municipiu lautem Tersa feira ne’e la’o diak tamba hetan partisipasaun maximu husi lider Komunitaria sira no Directores da eskola sira iha Postu Administrativu Lospalos, Municipio Lautem.
Jornalista ;Marito savio
Editor ;Nascimento Provincial
