by

Saudozo Duarte Xavier husi suku com hakotu ona Nia Peregrinasaun iha Mundu

RCL VP NEWS 15/07/2021

Saudozo Duarte Xavier Lopes ho kodigo Lay, husi Suku Com , Postu Administrativu Lautem ,Municipiu Lautem , hakotu ona Nia peregrinasaun iha Mundu, iha loron sanolu resin ida fulan julho tinan rihun rua rua nolu resin ida (11/07/2021) iha Hospital Nasional G emuido Valadares Dili , tamba Saudozo sofre moras komplikado.

Saudozu Duarte Xavier Lopes Moris iha Aldeia Lohomatu ,Suco Com , Postu Administrativo Lautem , Municipio Lautem iha loron Rua Nolu Resin Lima , Fulan Dezembro tinan Rihun Ida Atus Sa Ne’en Nolu( 25/12/1960), Saudozu oan husi Telu Mamano no Pui-Ili.

Saudozu Duarte Xavier Lopes husik Hela Oan Nain 7 , kompostu husi Feto Na’in 4 no Mane nain 3,
Saudozu Duarte Xavier Lopes hahu inbolve an Iha Vida Politika Iha tinan Rihun Ida , atus Sia , Hitu nolu resin Ne’en (1976) no Saudozo partisipa Iha formasaun politika Organijasaun Popular Juventude Timor ga OPJT iha partido FRETELIN iha Aldeia Lohomato Suku Com , Depois de tragedia Lohomato iha tinan Rihun Ida Atus Sia Hitu Nolu Resin Sia ( 1979 )

Iha tinan Rihun Ida , Atus Sia Sia nolu (1990), Saudozo Duarte Xavier Lopes hahu Partisipa Iha Frente Klandestina to’o Tinan Rihun Ida atus Sia,Sia Nolu Resin Tolu (1993).

Bajeia ba Saudozu nia involvimentu ba luta libertasaun Nasional , nune’e Estado rekonhese no kondekora ho Orden Nikulau Lobato iha loron Sanolu Resin Lima Fulan Maio tinan Rihun Rua Hitu (15 / 05 / 2007).

Reprezentante familia , Serjio Jose Kristovao ba jornalista sira iha Suko com , quarta feira14/07/2021 ne’e hateten katak ,nudar familia sente triste tamba lakon ema diak ida iha Suku Com , maibe buat nee hotu hanesan Plano Maromak Nian.

Reprezentante familia ne’e husu ba Estado liu -liu konselho Veterano Municipio Lautem, atu tau matan nafatin ba oan kiak nain 7 no feto faluk ,tamba Saudozu Duarte Xavier Lopes mos involve a’an Iha Prosesu luta Libertasaun Nasional.

Hatan ba questaun ne’e Prejidente Konselho Veterano Municipio Lautem Aurelio Freitas Ribeiro hateten katak , Bazea ba saudozu nia involvimentu ba Luta Libertasaun Nasional ne’e , Estado iha responsabilidade atu valoriza no fo tulun ba oan kiak nain hitu no fetu faluk.

Entertantu : Familia sira halot ona mate isin saudozu Duarte xavier Lopes iha semiterio Suco Com , Postu Administrativu Lautem Municipio Lautem Quarta feira 14/07/2021 ne’e.

Jornalista ;Marito savio
Editor ;Nascimento provincial

Comment