by

Suco Lore Hanesan Linha Vermeilha ga Garis Mera iha Tempu Funu , maibe To`o agora nia Estrada Sida`uk Hetan Atensaun Husi Governo

RCL VP NEWS 14/07/2021

Suco Lore nebe Sai Linha Vermeilha ga Garis Mera Iha Tempu Funu Libertasaun Nasional , no Nia Emar Sira ho Aten Brani Hasoru Inimigo to`o Lakon Vida , maibe To`o Agora Suco Lore Sida`uk hetan Atensaun Husi Governo iha area Dejenvolvimento iha area Estrada Sira , tamba Kondisaun Estrada nebe Liga Husi Kapital Municipio Lautem Kuaje Kilometro 30 Liu ne`e to`o agora Grave.

Chefe Suco Lore Primeiro Abilio Amaral ba Jornalista RCL Quarta Feira 14/07/2021 ne`e hateten katak , Kondisaun Estrada iha rai Lore ba dada`un ne`e Grave Liu , hodi dufikulta Movimento Transporte iha Suco Lore , no Prejudika mos ba Agricultores Sira atu Lori Sira nia Produtu ba Iha Mercado .

Xefe Suco Lore ne`e mos hateten katak , Kondisaun Estrada ne`e Kleur Ona Hahu husi Ukun A`an to`o agora maibe laiha atensaun , nune`e Husu ba Governo atu tau iha planu Orsamento iha Tinan oin mai, tamba Povu Sira atu Rekupera Sira nia Ekonomia Depende mos ba Kondisaun Estrada .

Abilio Amaral mos Esclarese katak ,Lore Oan Sira mos Partisipa Masimo iha Prosesu Luta Libertasaun Nasional no lakon nia Emar Barak iha Tempu Rejistensia nian , maibe to`o agora Suco Lore Sidauk iha Konsiderasaun husi parte Governo .

Entretanto; Kondisaun Estrada ne`e Grave kuaje Tinan barak Ona , hahu husi Timor Leste Ukun A`an to`o agora , laiha Atensaun husi Parte nebe Kompetente , maske Rai Lore Moris iha Linha Vermelha iha Tempo Rejistensia.

Jornalista ; Sinta da costa
Editor ;Nascimento Provincial

Comment