RCL VP NEWS 22/07/2021
Administrador Municipio Lautem nebe nudar Autoridade Masimo iha Municipio Lautem Apela ba Fungsionario Publico sira Hotu , liu-liu Profesores Sira atu asesu ba Vasinasaun Covid-19 nebe dada`un ne`e la`o iha Municipio Lautem , tamba Profesores Sira mak Besik Liu Labarik Estudante Sira iha Eskola .
Administrador Municipio Lautem Dominggos Xavio ba Jornalista Sira iha Administrasaun Municipio Lautem Quinta Feira 22/07/2021 Semana ne`e hateten katak , Profesores Sira Iha Obrigasaun hodi Hetan Vasinasaun Covid-19 , tamba Sira mak Hasoru Estudantes Sira kada Loron , nune`e ho Vasinasaun ne`e bele ajuda atu labele Transmite Covid-19 ba Labarik sira .
Autoridade Masimu Municipio Lautem ne`e mos Declara tan katak , ba Profesores sira nebe Sida`uk hetan Vasinasaun sei labele ba Hanorin Labarik Sira ,atu labele fo Perigo ba Labarik Estudante Sira nia Sa`ude , no Hirak nebe Hetan ona Vasinasaun Doze Kompleto bele Kontinua nafatin Sira servisu iha Eskola .
Domingos Savio ne’e mos deklara katak ba Fungsionario ga professores sira nebe lakoi simu vaksinasaun Astrazeneca ne’e tenke hato’o justifikasaun ruma , Nune`e Equipa Taksforce Prevensaun no mitigasaun Covid-19 iha Municipiu Lautem bele buka Solusaun .
Nudar Administrador Municipio Lautem nia Parte hatu`un ona Orientasaun Administrador Sira iha Postu Administrativo 5 iha Municipio Lautem , Director Servisu Edukasaun Municipio Lautem , Atu Identifika Profesores no Lideres Comunitario nebe Sida`uk hetan Vasinasaun no Hirak nebe Simu ona Vasinasaun Covid-19 iha Municipio Lautem .
Jornalista ;Marito savio
Editor ;Nascimento provincial
