RCL VP NEWS 27/07/2021
Durante Tinan barak , hahu Husi Inisiu Ukan A`an to`o agora , Comunidade iha Aldeia Soru-Lu`a Infrenta Problema kona ba Energia Eletricidade no Estrada , tamba to`o agora laiha Atensaun husi Governo .
Ho Problema ida ne`e , Prejudika ba Comunidade Sira atu Hetan Comunikasaun nebe diak ho Familia Sira , tamba Atu Karega Telefone De`it mos tengki halai ba Comunidade Sira nebe Pertense iha Suco Leuro , nune`e mos Wainhira Iha Tempu Udan , Comunidade iha Aldeia refere labele asesu Transporte hodi Transporta Sira nia Produtu , tamba Kondisaun Estrada la favoravel .
Comunidade Aldeia Soru Lu`a , Ana Maria da Costa ba Jornalista RCL Iha Aldeia Soru Lu`a Tersa Feira 27/07/2021 ne`e hateten katak , Ho Problema Eletricidade sira tengki halai ba Area Suco Leuro nian hodi Karega Telemovel , nune`e mos Kondisaun Estrada la favoravel wainhira iha Tempu Udan .
Ho Problema ida ne`e Comunidade Sira husu ba Governo Tau matan netik ba Comunidade iha Aldeia Sorulua no Aldeia Paravasi Suco Souro nebe durante ne`e sempre Infrenta Problema kona ba Estrada no Eletricidade .
Entretanto; Maske Comunidade nebe iha Kbi`it Uja Solar Panel hodi hetan Naroman Eletricidade , maibe sei hetan Problema iha Tempu Udan , tamba laiha Loron hodi fo Energia Solar Panel refere.
Jornalista ;Sinta Da Costa
Editor ;Nascimento provincial
