by

Comunidade Suco Leuro sei Comemora loron Lewantamento Armada iha Loron 8 Fulan Agostu Tinan ida ne`e .

-Notisia-156 views

RCL VP NEWS 27/07/2021

Comunidade Suco Leuro Posto Administrativo Lospalos , Municipio Lautem Sei Comemora loron Lewantamento Armas , iha Loron Walu Fulan Agostu , Rihun Rua , Rua nolu resin Ida (8/08/2021) hodi relembra Martires Funu Na`in sira nebe fo A`an ba Mate iha Loron Levantamento nebe akontese iha Tinan Rihun Ida Atus Sia , Walu nolu resin Tolu (1983).

Chefe Suco Leuro Carlito Viegas ba Jornalista RCL Iha Suco Leuro , Tersa feira 27/07/2021 ne`e hateten katak , Preparasaun ba Cerimonia Comemorasaun hahu la`o dada`un ona , no Actividades dahuluk nebe hala`o ona mak Actividades Cultural liu husi Jogu Futu manu .

Chefe Suco ne`e mos hateten katak , Cerimonia Comemoarasaun ba Levantamento iha Suco Leuro ba Tinan ida ne`e sei hala`o ho Simples , tamba Situasaun Pandemia labele halibur Ema Barak , Nune`e Actividades Prinsipal ba Cerimonia ida ne`e mak Hasa`e no Hatu`un Bandera Nasional , nune`e mos Divertimento balun hodi Diverte Cerimonia Comemorasaun ida ne`e .

Carlito Viegas mos afirma katak , Lideres Comunitario hamutuk ho Membro Konselu Suku Konkorda hodi Hala`o Jogu Futu Manu , nebe hahu hala`o ona iha Loron Semana rua Liu ba , no Tuir Planu Sei iha Kalan Refleksaun iha Loron Hitu Fulan Agostu Tinan ida ne`e (07/08/2021).

Entretanto; ho Sitauasaun Pandemia nebe dada`un ne`e mosu , Suco Leuro Labele hala`o Cerimonia Komemorasaun Loron Levantamento ho Bo`ot , maibe Hala`o de`it ho Simples , tamba tuir Sira katak Maske ho Simples maibe nia Kontiudu Bo`ot ba Martires da Libertasaun Nasional Sira .

Jornalista ;Sinta Da Costa
Editor ;Nascimento provincial

Comment