RCL VP NEWS 26/07/2021
Acidente Trafico Kareta Anguna ho Motor Soke Malu iha Area Bui-ho Mau , Suco Serelau , Posto Administrativo Lautem , Municipio Lautem , iha Loron Qaurta Feira 21 / 07/2021 Semana liu ba Rejulta Ema nebe Lori Motor Lakon nia Vida, no Pasageiro Kareta Anguna Barak mak Hetan Kanek .
Ho Akontesimento ida ne`e Parte Polisia Tu`un Kedan ida Terenu hodi Kontakto Servisu Sosial no Parte Centro Saude Municipio Lautem hodi Transporta Kedan Vitima nebe mate ba Nia Knua Suco Serelau no Vitima sira nebe kanek ba iha Hospital.
Comandante PNTL Munisipio Lautem Superitendente Polisia Antonio Regu Fernandes ba Jornalista RCL iha Nia Kna`ar fatin Segunda Feira 26/07/2021 ne`e Informa katak , kronologia husi Asidente Trafico nebe akontese iha area Buihomau ne’e , Motorista mai husi Area Bui ho Mau no Kareta Anguna Tula Pasageiro Dirasaun Lospalos ba Luro , no Kareta no Motor halai ho Velosidade Maka`as , nune`e Motorista no Kondutor Kareta lakon Kontrola no Soke Malu iha area Bui ho Mau ,no Rejulta Motorista Mate no Pasageiros iha Kareta Anguna Barak mak Sofre Kanek .
Comandante ne’e mos hateten katak , iha akontesimento ne’e parte Polisia asegura kedan kondutor kareta iha Esquarda Polisia Lautem , no hahu halo Kedan Prosesu ba Ministerio Publica , no sei halo Involvimento Familia Vitima no Suspeito hodi Buka solusaun ba Problema ida ne`e , to`o agora Suspeito ga Kondutor ba Kareta Anguna ne`e sei detein hela iha Sela Polisia Baucau hodi hein Prosesu oin mai .
Entertantu : ho Akontesimento ida ne`e Parte Polisia , liu-liu Polisia Unidade Tranzito Municipio Lautem , husu ba Kondutor no Motrista sira atu Kontrola A`an Wainhira hala`o Viagen ba Fatin Ruma hodi labele hamosu Acidente , tamba Acidente ne`e sei fo Sofrimento ba ita nia A`an .
Jornalista ;Sidalia Da Costa
Editor ;Nascimento provincial
