RCL VP NEWS 26/07/2021
Militantes Partido Associasaun Social Demokrata Timorense ga ASDT Municipiu Lautem ejije ba Tribunal Rekursus atu reativa hikas aktividade partidu nian nebe kansela ona iha loron Rua nolu resin Lima fulan Fevereiro tinan Rihun Rua Sanolu resin hitu (25/02/2017) atu nune’e Partido ne`e rasik bele Kompete iha Elisaun Presidensal no Parlamentar iha tinan oin .
Lia hirak ne’e hato’o husi Sekretario Partido ASDT Municipiu Lautem , Amadeo da Conceincao liu husi Konferensia Imprensa nebe hala’o iha sede Partidu ASDT nian iha Suku Mahina Primeiru ,Postu Admionistrativo Lautem Municipiu Lautem iha Loron Domingo 25/07/2021 .
Liu husi Konferensia Imprensa ne`e Amdaeu da Conceincao mos haktuir katak , Militantes no Simpatijantes Partido ASDT iha Municipiu Lautem husu nafatin ba Tribunal Recursu atu solusiona lalais problema partidu ASDT nian , hodi bele partisipa iha eleisaun Presidensial no Parlamentar iha tinan oin .
Iha fatin hanesan Cordinador Partido ASDT Municipiu Lautem , Conilu Viana mos informa tan katak , estrutura no militantes partidu nian iha municipiu Lautem prontu nafatin hodi partisipa Iha Elisaun Tinan oin mai .
Entertantu : coordenador partidu ASDT municipiu Lautem husu ba militantes partidu nian iha municipiu lautem atu Hakmatek nafatin iha ida-idak nia fatin , hodi hein desijaun husi Tribunal rekursus , tamba strutura partidu nasional nian aprezenta ona karta ba tribunal hodi reativa fali aktividade partidu nian iha teritorio timor laran tomak .
Jornalista ;Marito savio
Editor :Nascimento provincial
