by

Asosiasaun KOLPING Dioseze Baucau Iha Municipio Lautem entrega ona Equipamentus karpintaria no Makina produsaun Mina Nu’u ba Grupu Komunitario nebe hetan ona Treinamento

RCL VP NEWS 29/07/2021

Asosiasaun KOLPING Dioseze Baucau iha Municipiu Lautem , liu husi apoio Uniao Europea no Governu Almenha Lliu husi GIZ ba Programa Ai ba Futuru , Quarta Feira ne`e , entrega Formalmente Equipamento Karpintaria nian no Makina Produsaun Mina Nu`u ba Juventude no Inan feton sira Husi Suco Tolu , Kompostu Husi Suco Leuro , Souro iha Postu Lospalos no Suco Maina Primeiro iha Postu Administrativo Lautem nebe Hetan Ona Treinamento kona ba Karpintaria no Produsaun Mina Nu`u nebe Fasilita husi Asosiasaun KOLPING Dioseze Baucau iha Municipio Lautem , durante Fulan 4 Nia laran hahu Husi Fulan Abril to`o Fulan Julho Tinan ida ne`e .

Prezidente Assosiasaun KOLPING Municipiu Lautem Lizia Maria De Fatima liu husi Serimonia Entrega equipamentos iha sede suku Leuro hateten katak , nia reprezenta familia KOLPING tomak iha Municipiu Lautem , agradese ba Apoio Finanseiro nebe mai husi Uniao Europea no Governu Almenha hodi fasilita ona Treinamentu Karpintaria no Produsaun Mina Nu`u ba Benefisiario sira husi Suku 3 .

Fatin hanesan Reprezentante Governo Alemanya iha Timor-Leste Carola informa katak , ohin ne’e entrega equipamentos karpintaria no produsaun mina nu’u ba benefisiario husi Suku 3 atu oinsa bele hadia ekonomia uma laran no hasae produsaun agrikola sustentavel iha Municipiu Lautem.

Reprezentante Uniao Eropea iha Timor-Leste , Dulce Gusmao mos haktuir tan katak , Treinamentu kona ba Karpintaria no Produsaun Mina Nu’u nian ne’e hanesan pasu pozitivo ida ba benefiario sira oinsa bele hasae rendimento diak iha familia laran.

Entertantu : serimonia entrega Equipamentus karpintaria no produsaun mina nu’u nebe hala’o iha sede suku Leuro , postu administrativu Lospalos Municipiu Lautem Quarta feira ne’e la’o diak tamba hetan partisipasaun direita husi Administrador Municipiu Lautem no Directores Municipais no Polisia Eskuarda Lospalos no Comunidade sira iha area refere .

Jornalista ;Marito savio
Editor;Nascimento Provincial

Comment