RCL VP NEWS 05/08/2021
Laiha Makina Detekta Teste Swab nian , iha Municipio Lautem , Difikulta tebes Equipa Sa`ude sira , atu bele hasai Rejultado Teste Imediata , tamba Durante Pandemia Covid-19 Parte Sa`ude Sira tengki Transporta ba Baucau ou Dili hafoin Hasai nia Rejultado .
Informasaun ne`e hato`o husi Director Servisu Municipal Sa`ude Municipio Lautem , Bernardo Amaral Lopes Liu husi Progarama Dada lia iha Estasaun Radio Comunidade Lospalos Quarta Feira 04/08/2021 semana ne`e .
Director Servisu Municipal Sa`ude ne`e mos hateten katak , Wainhira Amostra sira Transporta ba Dili ou Baucau ne`e Presija Tempo Loron 2 ou 3 hafoin Simu Rejultado , maske Prejudika , maibe ida ne`e Realidade nebe ita Tengki Simu no ida ne`e mak Esforsu nebe Parte Sa`ude halo hodi Prevene Povu Sira iha Situasaun Pandemia nia laran .
Bernardo mos Deklara katak , Relasiona ho Problema ida ne`e iha Fulan Kotuk , Equipa Nasional Tu`un ona mai Municipio Lautem hare ona Laboratorio iha Centro Sa`ude Internamento Lospalos , no hahu Instala ona AC no Hein katak iha Tempo Besik , Makina Detekta ne`e bele to`o ona iha Municipio Lautem , hodi bele Suporta no hafasil Servisu sira hodi bele hetan Rejultado Teste ho lalais .
Entertantu: ita hotu Tengki Pasensia ho Realidade nebe iha , tamba ho ita hotu nia Esforsu Tomak Problema ne`e bele Rejolvidu , no Rejultado teste bele hetan iha ita nia rain rasik ho lalais , wainhira makina ne`e to`o ona iha Municipio Lautem .
Jornalista;Sidalia da Costa
Editor;Nascimento provincial
