by

Ministerio Agrikultura no Pescas sei kontinua hasae produktividade agrikultura iha Municipiu Lautem Liu husi Implementa Programa Konservasaun Agrikultura iha Municipiu Lautem .

RCL VP NEWS

Tuir Planu Ministero Agrikultura e peskas liu husi Agensia ba agrikultura no aihan iha Timor-Leste Sei kontinua implementa Programa Konservasaun Agrikultura ho prinsipiu Tolu kompostu husi , La fila Rai  , La sunu Rai , no Presija  kuda Lehe  iha to’os , tamba Lehe  iha potensia bo’ot hodi habokur rai no bele hasae produsaun Aihan , inklui atu hafasil Agricultores sira nia servisu .

Lia hirak ne’e hato’o husi Advaisor Agensia Ba agrikultura no aihan iha Timor-Leste , Claudino Ninas Nabais , ba jornalista RCL iha edifiso servisu Municipal Agrikultura Municipiu Lautem Segunda Feira 09/08/2021 semana ne’e.

Claudino mos haktuir tan katak ,  implementasaun program konservasaun agrikultura ne’e implementa ona iha municipiu 8 inklui mos Municipiu Lautem nebe hahu ona iha Suku Lore Primeiru , Soru Postu  Administrativu Lospalos no Suku Badoru Postu Administrativu Lautem Municipiu Lautem .

Calaudino ne’e mos informa tan katak , Kuda Lehe hamutuk ho batar ga Aihan sira seluk ne’e dalan diak ida hodi bele halo rai bokur, hadia estrutura rai , no bele hasae produsaun aihan hirak nebe atu kuda iha to’os tamba Fore Lehe ne’e iha Nutrisaun bo’ot wanhira kuda ho produtu lokal sira seluk .

Claudino mos deklara katak , Kuda fore lehe iha to’os ne’e fo benefiso bo’ot ba agrikultores sira tamba bele hamenus servisu Agrikultores sira nian , hasae produsaun aihan , no bele hasae rendimentu Agrikultores sira nian .

Entertantu : Claudino Ninas mos husu agrikultores Sira iha Municipiu Lautem , hahu kuda dadauk ona Fore Lehe ga fore sira seluk iha To’os atu nune’e bele hasae produsaun aihan lokal no hamenus agrikultores sira nian Servisu  iha Municipiu Lautem , Tamba parte relevante iha ona planu atu la fila rai no la sunu rai ona , Maibe hanehan deit fore Lehe nebe ita kuda ona ho Makina rolling.

Jornalista(Marito savio)

Editor(Nascimento Provincial)

Comment