RCL VP NEWS
Ministerio Justisa liu husi Liu husi Sector Justisa, Quarta feira 11/08/2021 ne’e Dezamina informasaun konba Lei numeru Sanolu Resin Tolu bara Rihun Rua Sanolu Resin Hitu (13/2017 nebe koalia kona ba Rejime Espesial definisaun titular Bein Imovel no Lei numeru Walu bara Rihun Rua Sanolu Resin Hitu (8 / 2017) Kona ba Ekspropriasaun ba Utilidade Publika no Lei numeru Sia bara Rihun Rua Rua (9/2002 ) Lei da Nacionalidade , ba Komunidade no Lideres Komunitaria sira iha suku Home no Fuiloro Postu Administrativo Lospalos Municipiu Lautem.
Director Nasional Direitus Humanos no Cidadania Flaviano Monis Leo Liu husi dezaminasaun ne’ebe hala’o iha Sede Suku Fuiloru Posto Administrativo Lospalos quarta hateten katak ,Ministerio Justisa liu husi Sector Justisa iha responsabilidade tomak atu divulga Lei ne’e ba povo sira no ba Autoridade Comunitario Sira Iha Nivel Municipio no Nivel Suco iha teritorio Timor-Leste.
Flaviano monis mos haktuir tan katak, objektivo husi Dezaminasaun informasaun Lei nee atu komunidade no leader komunitario sira bele hatetene no komprende hodi bele utiliza rai tuir lei nebe konsagra ona Iha RDTLnasaun Ida nee.
Flaviano Monis ne’e informa tan katak , Lei ne’e mos importante tebes ba Cidadaun sira iha Timor-Leste, tamba Lei ne’e sei difine Cidadaun ida bele sai nain ba rai ida , oinsa Estado bele rekonse kultura no kostume nebe avo no beiala sira husik hela mai ita liga ho rai nian , oinsa Estadu bele uza rai Komunidade nian hodi halo Dezenvolvimentu inklui rai no Proriedade sira seluk nebe estrangeiru sira uza ona iha Nasaun ida ne’e.
Entertantu : Dejaminasaun informasaun Lei nebe hala’o iha sede suku Fuiloru Posto Administrativo Lospalos Municipio Lautem nee la’o diak tamba hetan partisipasaun masimu husi Komunidade no Lider Comunitario husi Suku Home no Fuiloro no mos Policia Esquadra Lospalos Municipiu Lautem.
Jornalista (Marito Savio)
Editor (Nascimento Provincial)
