by

Sekretariado Arte e Kultura sensibiliza informasun konba servisu no Funsionamentu Biblioteka nian ba Estudante Sekundaria sira iha Municipiu Lautem .

RCL VP NEWS 02/09/2021

Sekretariado Arte e Kultura  liu husi Diresaun Nasional Bliblioteka no Museum Quarta feira 01/09/2021 ne`e sensibiliza informasaun kona ba Funsionamentu  Biblioteka nian  iha Municipiu no Nasional nian  ba Estudante Ensino Sekundaria no Tekiniku Vokasional sira iha salaun enkontro Ong Many Hands Lospalos Municipiu Lautem .

Director Geral Bliblioteka no Museum, Joao  Fatima da Cruz ba Jornalista RCL iha Centro  cultural Lospalos Municipiu Lautem hateten katak ,Equipa Diresaun Nasional Bliblioteka no Museum nia prezensa iha municipiu lautem , atu fahe informasaun kona ba lala`ok  bliblioteka Arte no Eskola nian ba estudante sira ,  atu nune’e Estudantes sira bele Utilija Biblioteka sai hanesan Fatin Estuda Le`e no hakerek .

‘’ Ami Equipa Nasional mai iha Municipio Lautem atu fahe Informasaun kona ba Lala`ok Biblioteka nian ba Estudantes Ensino Secundaria no Tecnico Vocasional sira atu bele hatene no Bele Abitua ba Le`e no Hakerek , Antes sira hakat ba Ensino Superior ga Universitario iha Dili , no Fahe mos Informasaun kona ba Servisu Biblioteka Nasional no Municipal nian hodi utilija ba sira nia Futuru .’’ Tenik Joao Fatima ba Jornalista RCL Iha Salaun centro Cultura Municipio Lautem.

Joao Fatima  ne’e mos haktuir tan katak , tuir planu Dirasaun Nasional Bliblioteka no Museum sei estabelese Bliblioteka Publiku nian iha Municipiu sira inklui Municipiu Lautem  , tamba ne’e sira mai sensibilija informasaun kona-ba  servisu no funsionamentu bliblioteka nian ba Estudante sira iha Municipiu Lautem ,

“ Dada`un ne`e Ami Dirasaun Nasional Biblioteka Prosesa ona Prosesu Konstrusaun Biblioteka iha Nivel Nasinal , no Sida`uk hahu Konstrusaun tamba Nasaun Timr Leste Sei iha Situasaun Pandemia nia Laran , nune`e Prosesu ne`e Parado , Wainhira Bibliteka Nasional Iha ona , Dirasaun Nasional mos Esforsu hodi Hari`i tam Biblioteka iha Municipio ida-idak , atu bele Kria Rede Komunikasaun ida entre  Biblioteka Municipio no Nasional ‘’  Dehan Director Dirasaun Nasional Biblioteka no Museum.

Entertantu : sensibiliza informasun konba servisu no funsionamentu Bliblioteka nian nebe organiza iha Salaun Enkontro Many Hands Lospalos Quarta feira ne’e hetan partisipasaun husi Estudante Ensino Sekundaria Geral Lere Anan Timor ,Nino Konis Santana Lospalos No Ensino Tekniko Vokasional Numeru 2 Lospalos .

Jornalista(ito &Jack)

Editor(Nascimento Provincial)

Comment