by

Administrador Municipiu Lautem Hala`o Lansamento Alokasaun Traktores ba Postu Administrativu 5 .

RCL VP NEWS 06/09/2021

Administrador Municipiu Lautem segunda Feira ne’e ( 06/09/2021) Ofisialmente Lansa ona Alokasaun Traktor  Unidade 12 ba Tratorista sira iha Posto Administrativo 5 Iha Municipio Lautem , hodi Fila to`os Comunidade nian ba Epoka 2022 .

Administrador Municipiu Lautem , Domingos Savio hafoin Serimonia Lansamento Alokasaun Trator ba Jornalista RCL iha Administrasaun Municipiu Lautem Segunda feira ne’e  hateten katak , Nudar Administrador Municipio Lautem Husu ba traktorista sira atu Quidado a’an nafatin hodi hala’o ida-idak nia servisu iha Baze , atu nune’e bele atinge objektivu nebe povu sira hakarak .

” Ne’e sira nia servisu, primeiru sira tenke quidadu sira nia a’an, Saude no nia seguru ba servisu. Se nia la Moras,la hetan dezastre, nia bele servisu kontinua to’o saida mak ita hakarak ” domingos savio hateten ba jornalista RCL hafoin lansa traktores ba traktorista sira iha Administrasaun Municipiu Lautem segunda feira ne’e.

Domingos Savio ne’e mos husu ba traktores sira atu labele para traktores sira iha uma deit , maibe tenke hala’o serbisu duni hodi serbi povu sira nebe presija atu fila rai.

” uluk ita nia komunidade balum dehan atu fila sira nia rai maibe a afinal traktor sira para fali iha tarktorista sira nia uma, tan ne’e hau fo Lia Menon ba sira, ba oin lalika halo hanesan tan, ita tenki servi ita nia komunidade sira nebe presija atu fila rai, ne’e para ita la bele tarde tamba ita nia epoka ne’e la’o ba Bebeik, la’os hein ita no mos sira tenke fila rai ho honestu, badinas,  kontenti no hadomi nia profisaun, ” Domingos Savio sublinha.

Entertantu : total traktores  iha Munisipiu Lautem hamutuk  40 , maibe traktor 12 , mak sei Diak ,  ekuantu  traktor 3 iha ona prosesu lelaun tamba avaria ona ,  no  traktor 20 resin sei iha  prosesu atu halo reparasaun .

JORNALISTA ; ito jack

EDITOR ; NASCIMENTO PROVINCIAL

Comment