Friday, March 29, 2024
spot_img
HomeFoto GaleriaPNTL hahu Regista Kilat Manu iha Teritorio Municipio Lautem

PNTL hahu Regista Kilat Manu iha Teritorio Municipio Lautem

RCL VP NEWS 13/09/2021

Bajeia ba Despaiso Husi Komando Jeral Polisia Nasional Timor Leste , Orienta  Komando Polisia Municipio Lautem , hahu Regista Kilat Manu Nebe Comunidade Sira uja ba Kasa Animal Fuik , ho Intensaun atu Komunidade Sira bele Kontribui ba  Paz no Estabilidade  iha Municipio  Lautem .

Komandante Polisia Municipio Lautem , Superintendente Polisia Antonio Rego Fernandes ba Jornalista RCL iha Nia Kna`ar fatin Segunda Feira 13/09/2021 Ne`e hateten katak , Aktividades Regista Kilat Manu iha Komunidade nia Le`et ne`e Refere Liu ba Lei Armas Branka no Arte Marsais Numeru  (5/2017).

Superitendente Polisia ne`e mos hateten katak , Tamba Lei Refere Tama ona Em Vigor iha Tinan Rihun Rua Sanolu Resin Hitu (2017), no lolos Aplika kedan iha Tempu neba hodi Regista ou Rekoila Dadus Kilat Manu nian , maibe tamba Tempo neba Nasaun Moris iha Situasaun Politika , Nune`e Parte Polisia fo Prioridade liu ba Seguransa ba Elisaun nian

‘’ Rejisto Kilat manu ne`e refere liu ba Lei Armas Branka no Arte Marsiais numeru 5/2017 , Tamba Komunidade Sira sala Utilija sala Kilat Manu hodi Tiru fali Veteranos ida iha Suco Leuro Posto Administrativo Lospalos iha Fulan Julho liu ba  , Nune`e hau halo kedan Relatorio ba Komando Jeral , hafoin Hatu`un Despaiso hodi halo Rekoilamento ga Regista Kilat Manu iha Suco 34 Iha Municipio Lautem , hahu iha Fulan Agostu no sei termina iha Fulan ida ne`e , no dadus hirak ne`e ami sei relata ba Komando Geral PNTL Nasional , hafoin bele foti Desijaun ‘’ Katak Komandante PNTL Municipio Lautem ba Jornalista RCL iha Komando PNTL Municipio Lautem Segunda Feira 13/09/2021 Ne`e.

Comandante Polisia Municipio Lautem ne`e mos afirma katak , Lei Numeru  Lima Bara Rihun Rua, Sanolu resin Hitu  (5/2017) Klareja ba Ema hotu katak , Kilat Manu ne`e hanesan Parte ida husi Arma Branka nian , Nune`e Komunidade Sira iha Obrigasaun atu Regista Sira nia Kilat Manu , liu husi Formulario Registo nebe Parte Seguransa Dstribui ona ba Kada Suco liu husi Ofisial Polisia Suco ga OPS sira

‘’ hau hanoin Lei Numeru 5/2017 ne`e klaru ona katak kilat manu ne`e tama ba Armas Branka no hanesan Presaun de A`ar nune`e Lei ne`e bandu tebes , maibe Komunidade sira kontinua Uja no Kilat Manu hirak ne`e tengki Regista Hotu liu husi Formulario Registo nebe Ami hato`o ona ba Lideres Komunitario sira liu husi Ami nia Ofisial Polisia Suco ga OPS. Rejisto Kilat Manu ne`e Importante Tebes , atu nune`e bele Kontribui ba ita nia Seguransa iha ita nia Municipio , no ba Comunidade sira nebe mak lakoi Rejista nia Kilat Manu , sei Hetan nia Konsekuensia Wainhira Parte Polisia Kaer Toman ‘’

Entertantu ; Prosesu Rekoilamento ga Rejista Kilat Manu ne`e hahu Ona iha Fulan Agostu no sei Remata iha Fulan ida ne`e , no Dadus Kilat Manu ne`e sei Relata ba Komando Jeral PNTL iha Kapital Nasaun RDTL .

 

JORNALISTA: Erme&Sida

EDITOR: Nascimento Provincial

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

TRENDING.

NOTISIA FOUN.

0
Would love your thoughts, please comment.x
()
x