by

Federasaun Atletismu hala’o Formasaun  baziku ba Treinadores no Arbitragen siraiha Municipio Lautem.

RCL VP NEWS 20/09/2021

Secretariado do Estado Juventude no Desportu liu husi Federasaun Atletismo Timor Leste , Segunda Feira 20/09/2021 ne`e hala`o Formasaun baziku ba Treinadores no Arbitragem  Futibol  nian , atu  bele Dejenvolve Desportu  Hahu husi nivel  Baje .

Secretario do Estado Juventude no Desportu Abrao Saldanha ba Jornalista RCL Segunda Feira 20/09/2021 ne`e hateten katak , Formasaun ba Treinador ho Arbitragen sira ne`e atu Kapasita sira hodi Dejenvolve Modalidade Futibol iha nivel Kraik , hodi bele konyese oinsa bele Treina ema no insa atu deskobre ema nia Talento iha area Futibol nian.

Sekretario do Estado Juventude no Desposrtu  ne`e mos hateten katak , Programa ida ne`e hanesan Programa Governo nebe servisu hamutuk ho Federasaun Atletismo Timor Leste , hodi haforsa liu tan Modalidade Futibol no aumenta rekursu Humanos.

“ Programa ida nee governu nian hamutuk ho federasau atletismu atu haforsa liu tan modalidade ida nee liu husi aumenta nia  rekursu humanu tekniku  sira entaun ita agora halo formasaun ba treinador sira ho arbitu sira e nivel baze, nivel neebe kiik liu atu nunee sira bele hahu haboot modalidade ida nee iha nivel kraik para sira konese tekniku sira oinsa atu forma ema no oinsa atu deskobre ema nia talentu hodi sira idak idak bele fila ba postu idak idak ninian par bele halo sira nia aktividade hodi bele deskobre talent sira neebe foin sae sira iha.” sr.abrao saldanha hateten ba jornalista RCL iha salaun administrasaun municipal de lautem segunda feira nee.

Iha Fatin hanesan Sekretario estado Juventude no Desposrtu hatutan Tan katak , Tinan ida ne`e Governo Liu husi Secretariado doEstado Juventude no Desportu iha Formasaun ho modalidade 3 kompostu husi Atletismo , Folybol no Futibol nebe ba dada`un ne`e hala`o iha Municipio 7.

‘’ Nia Dehan Tinan ida ne`e ita iha Formasaun ba Tekniko , Treinador no Arbitragen ne`e  ho modalidade 3 mak hanesan Atletismo , Voly bol no ida Seluk mak Futibol , Formasaun ba Atletismo no Voly bol ne`e Governo mak Finansia no Futibol ne`e Finasia direita husi Federasaun Futibol Timor Leste ga FFTL agora sira organija hela , komu limitasaun orsamento , Formasaun ida ne`e hala`o de`it iha Municipio 7 , no tinan oin mak Kontinua ho Municipio 5 Seluk ‘’.

Entretantu ; Formasaun ida ne`e Loke Direitamente husi Secretario do Estado Juventude no Desportu no Partisipantes mai husi , Asosiasaun Futbol Municipio Lautem , Atletista , no Partisipantes balun hamutuk Ema na`in 30.

JORNALISTA : jek

EDITOR : Nascimento Provincial

Comment