RCL VP NEWS 22/09/2021
Tinan oin Guvernu Timor-Leste , liu husi kompanhya Agua Portugal sei hahu processo kanalizasaun ba be’e mos nebe perfura ona iha tinan kotuk iha Bairu Laruara Suku Fuiloro no Suku Home Posto Administrative Lospalos Municipiu Lautem , tamba Guvernu halo ona akordo inprestimo ho parseiru sira hodi bele fornece be’e mos ba Komunidade sira iha Kapital Municipiu Lautem .
Director Be`e Timor Leste Empreja Publico ga BTL EP Municipiu Lautem Jose Vilanova Pires ba jornalista RCL iha nia knara fatin quarta feira 22/09/2021 ne’e hateten katak , dadaun ne’e Guvernu Timor-Leste halo ona akordo imprestimo ho parseiru ho Bangku Dejenvolvimento Asiatico ga Asian Development Bank ADB , ho nune’e espera katak tinan oin perfurasaun be’e mos iha Bairu Laruara no Suku Home ne’e bele fornece ona ba komunidade sira iha kapital Municipiu Lautem .
Director ne’e mos informa katak , dadaun ne’e kompanya agua de Portugal sei identifika hela rai hodi konstrui rezervatorio publiku no rezervartorio bo’ot sira iha kapital municipiu lautem , atu nune’e bele rai be’e mos hodi bele fornece ba komunidade sira iha oras rua nolu resin ha’at nia laran .
“ be’e sira nebe perfura ona ne’e prepara ba tinan 2022, agora dadauk ita hotu akompanya katak, guvernu timor –leste ho parseiru EDB halo ona akordo imprestimu liu husi ministerio obras publika, ministerio finansas, ita hotu akompanya noticia katak oras ne’e dadauk imprestimu ne’e investe tiha ona asinado tiha ona, hein katak 2022 ne’e be’e mos sira ne’ebe fura ona ne’e sei estabelese iha kapital municipiu lautem, tamba ne’e iha municipiu lautem servisu engineriu nian hotu ona, agora dadaun ne’e agua Portugal sei identifika hela rai sira ne’ebe atu hatur rezervatorio publiku, rezervatorio bo’ot sira, servisu ne’e agora la’o hela iha papapa neba sira komesa ke’e rai , atu nune’e bele identifika, tamba konstrusaun sei hari’I iha fatin indikado sira nene’e, rai ne’e bele ga lae, se lae rezervatorio sira aban bairua keta rai ne’e impaktu ambiental erozaun keta monu ou rai ne’e bele la saida, sira hare’e ida ne’e, tamba ne’e maka hau bele informa katak servisu sira ne’e la’o nafatin hein katak tinan oin it abele la’o ona ho konstrusaun fiziku no be’e mos ne’e sei sirkula 24 jam ho be’e ne’ebe qualidade no sustentabilidade, be’e nato’on ba uma kain hotu ‘’ Jose Vilanova pires hateten ba jornalista RCL iha nia knara fatin quarta feira 22/09/2021 ne’e
Jose Vilanova mos deklara katak , atu komunidade sira la bele gasta be’e mos refere ne’e Guvernu iha ona planu atu komunidade sira bele uza be’e mos no tenke selu tuir metro kubiku ga litru rihun ida.
“ ne’e sei selu tuir uza, oras ne’e lospalos seidauk selu tamba ita nia kondisaun sei nune’e / maibe wainhira fornesimentu be’e mos ne’e estabelese ona, komunidade sira sei selu tuir por metro kubiku , sira 1000 litrus ne’e kubiku ida, selu tuir decretu lei numeru 4/ 2004 ne’e , bele poupa be’e ba necessidade rasik, bele gasta barak, naran katak bele selu, bainhira gasta barak, gasta mos osan barak, hw fiar katak be’e ne’e sei resin, quando obras sira ne’e la’o ona ,“ Jose Vilanova deklara.
Entertantu : husu ba komunidade sira atu pasiensia hodi hein processo tomak tamba fornescimentu be’e mos refere sei to’o iha ida-idak nia uma .
Jornalista ;Ito
Editor ; Nascimento Provincial
