by

Mudansa Ita nia Moris la`os Ema Seluk mak halo maibe ita rasik mak Esforsu

RCL VP NEWS 22/09/2021

Atu halo Mudansa ba Ita Nia A`an la`os  Ema Seluk mak halo ba Ita , maibe Ita rasik mak Tengki Esforsu , liu husi Estuda , tamba Liu husi Estuda mak ita bele Hetan Naroman iha Ita Nia Futuru.

Directora Ensino Secundaria Tecnico Vocasional ga ESTV Numeru 2 Lospalos Lidia Maria Liu husi Programa Radio Talk Show iha Estasaun Radio Comunidade Lospalos Quarta Feira 21/09/2021 nee ho Topico Prosesu Aprendijajen iha Situasaun Pandemia Hateten katak , Maske ho Situasaun Pandemia , Alunus Sira Labele Sai Vitima , maibe Buka haka`as A`an hodi Estuda ho Fasilidades nebe iha , tamba Atu halo Mudansa ba Ita nia A`an la`os Husi Ema Seluk , maibe ita rasik mak Esforsu , nune`e ita bele hetan Naroman iha Futuru.

Directora ne`e mos Enkoraja ba Alunus Sira atu Kontinua Estuda , Materia Hirak nebe mak Iha ona , maske Ita Iha Situasaun Pandemia Nia laran  , maibe Tengki buka Dejenvolve A`an liu husi Estuda, tamba Liu husi Ita nia Estuda mak ita bele Manan ita nia Futuru .

‘’ Hau Nia Mensagen ba Estudante Sira Katak , Maske ho situasaun Pandemia ida ne`e Alunus Sira Labele sai Vitima , maibe ida nebe mak ita bele halo ita tengki halo , Mudansa ba ita nia A`an la`os husi Ema Seluk maibe Esforsu ita nian , nune`e ita rasik mak halo mudansa ba ita nia A`an , no labele sai Vitima ba Situasaun maibe tengki Estuda Materia no Livro  nebe mak iha , tamba Ita atu dejenvolve ita nia A`an tengki haka`as an hodi esdtuda ‘’ Tenik Lidia

Director ESTV Numeru 2 Lospalos ne`e mos hateten katak , Situasaun nebe ita Infrenta ne`e La`os ita mesak de`it , maibe Afeta ba Mundu Internasional , Nune`e Husu ba Inan aman sira tengki Kontrola no Enkoraja Labarik Sira atu Estuda iha Situasaun ida ne`e nia laran .

‘’ Hau husu ba Inan aman Sira atu kontinua Kontrola no Enkoraja ita nia oan sira atu atu nune`e Situasaun Pandemia ne`e labele Prejudika sira nia Estudu , maibe husu ba Oan sira atu Kontinua Estuda tamba Sira Presija Prepara sira nia a`an nune`e bele hetan Naroman iha Futuru.’’ Lidia hateten.

Entretanto; Maske ho Situasaun Pandemia ne`e , maibe Parte Eskola Esforsu nafatin hodi Prepara nia Alunus Sira hodi bele Hetan Materia , nune`e Sira bele Estuda antes hasoru Periodu Ejame nian.

 

Jornalista ; Givo

Editor ; Nascimento Provincial

Comment