Friday, March 29, 2024
spot_img
HomeFoto GaleriaAdministrasaun  Municipio Lautem Husu ba Lideres  Komunitario sira atu atualija dadus Povu...

Administrasaun  Municipio Lautem Husu ba Lideres  Komunitario sira atu atualija dadus Povu nian

RCL VP NEWS 27/09/2021

Administrasaun Municipio Lautem Husu ba Lideres Komunitaria sira atu Servisu hamutuk ho Orgaun Elitoral sira iha Municipio Lautem  Kontinua Atualija Dadus Populasaun iha Nivel Suco  nebe iha ona Direito ba Votasaun hodi  bele partisipa iha Elisaun Prejidensial nebe mos nudar Festa Democrasia bo`ot ida nebe kada Tinan 5 Sempre Akontese , iha nasaun Democratico ida ne`e .

Administrador Municipio Lautem Domingos Savio  liu husi Enkontro CNE ho Autoridades no Entidades Relevante sira iha Municipio Lautem ba Preparasaun Elisaun Prejidensial Tinan Rihun Rua Rua Nolu Resin Rua Segunda Feira 27/09/2021 iha Salaun Secretariado Tecnico Administrasaun Elitoral ga STAE Municipio Lautem ne`e hateten katak , Nasaun RDTL Aplika Sistema Democrasia Multi Partidarismo Maske Nasaun ne`e Ki`ik maibe ita rasik mak Deside Futuru Nasaun ho Democrasia.

Administrador Municipio Lautem ne`e mos Kompromete katak , Lider Municipiu nian haka`as hodi Kopera ho Institusaun Polisia nian , hodi garante Estabilidade husi Inisio Prosesu Elisaun Prejidensia to`o Remata , nune`e Elisaun oin mai bele la`o ho susesu .

‘’ Ami Lider Municipio nian sura ho Instituisaun Seguransa , liu-liu Parte Polisia iha Municipio Lautem hodi Asegura Estabilidade Seguansa , hodi nune`e Prosesu Elisaun husi Inisio to`o nia Rohan bele la`o ho Trankuilidade no Susesu diak , iha Nasaun Dmokratiku ida ne`e , Ema hotu bele Ejerse sira nia Votu , hodi hare`e Ema ou Partido nebe mak Diak hodi bele Lidera Nasaun no Dejenvolve Povu no Nasaun ‘’ Dehan Administrador Municipio Lautem liu husi Abertura Enkontro CNE iha Salaun Secretariado Tecnico Administrasaun Elitoral ga STAE Municipio Lautem Rua Segunda Feira 27/09/2021 ne`e.

Iha Fatin Hanesan Comisario Nasional Comisaun Nasional da Elisoens Olavio da Costa Monteiro Almeida mos husu ba Autoridade Municipal , Polisia , lideransa Komunitaria sira , atu Mantein nafatin Parseria ho Oragun Elitoral sira atu halo Koperasaun servisu ho diak , atu nune`e ita bele hamutuk hodi asegura Prosesu Elitoral ne`e ho Susesu .

‘’ Liu husi Enkontro ida ne`e hau Husu ba Autoridade Municipal , Polisia , lideransa Komunitaria ou Chefe Suku Sira sira , atu ita Mantein ita nia Parseria Koperasaun servisu, atu nune`e ita bele hamutuk hodi asegura Prosesu Elitoral ne`e ho Susesu ‘’ Tenik Comisario Nasional CNE liu husi Enkontro iha Salaun Secretariado Tecnico Administrasaun Elitoral ga STAE Municipio Lautem Rua Segunda Feira 27/09/2021 ne`e.

Entretanto ; Enkontro ne`e Partisipa Husi , Partidos Politico Sira , Instituisaun Relijioju , Lideres Comunitario , Parte Polisia , Parte Edukasaun no Directores Municipais iha Municipio Lautem , no Hakarak Informa mos katak , Enkontro CNE ne`e hanesan Enkontro Dahuluk no Enkontro daruak sei hala`i iha Municipio Viqueque Tersa Feira 28/09/2021 ne`e .

 

Jornalista ; Silisid

Editor ; Nascimento Provincial

 

 

RELATED ARTICLES
Continue to the category
0 0 votes
Article Rating
Subscribe
Notify of
guest
0 Comments
Inline Feedbacks
View all comments
Fans na'in: mak rona hela.
Loading ...

TRENDING.

NOTISIA FOUN.

0
Would love your thoughts, please comment.x
()
x