by

Ensino Aprendijajen iha ETA Don Bosco Fuiloru la`o Diak

RCL VP NEWS 30/09/2021

Maske Nasaun Timor Leste , liu-liu Municipio Lautem  iha Situasaun Pandemia nia Laran , maibe Prosesu Ensino Aprendijajen Iha Ensino Tecnico Agricola ga ETA Don Bosco Fuiloru Lospalos , la`o  di`ak, tamba Ejame Nasional hahu besik ona.

Director Ensino Tecnico Agriocola ga ETA Don Bosco Fuiloru Lospalos Padre David Souja SDB ba Jornalista RCL , Quinta Feira 30/09/2021 ne`e hateten katak , durante Pandemia Actividades Ensino nian la`o Normal , liu husi Teoria no Pratika.

Director ETA Don Bosco Fuiloru mos hateten tan katak , Maske Ensino Aprendijajen iha Eskola refere la`o normal , maibe Eskola refere kontinua Kumpri Regras nebe Organijasaun Saude Mundial no Ministerio Sa`ude fo sai.

‘’ Ami nia Aula Prejensial no Partika lor-loron nian la`o normal, no alunus sira Hela iha Kolegio Hotu-hotu Kumpri Regras Eskola nian, hodi kontinua Eskola hodi Prepara A`an ba Ejame Nasional nebe besik dada`uk ona , alende ne`e ETA Don Bosco Fuiloru mos Kumpri Nafatin Protokolu Sa`ude nian, hodi hado`ok a`an husi Moras Covid-19’’Dehan Director Ensino Tecnico Agriocola ga ETA Don Bosco Fuiloru Lospalos Padre David Souja SDB , ba Jornalista RCL Quinta Feira 30/09/2021 ne`e.

Padre David mos Konfesa katak , durante Situasaun Pandemia , Alunus no Manorin Sira nia Kondisaun Sa`ude ladun Permite ne`e maibe la Dejanima Alunus no Manorin Sira atu hapara Eskola maibe Kontinua la`o maske Ensino Aprendijajen la`o ladun Efektivo .

‘’ Iha Situasaun Pandemia ne`e Hau nia Eskola ne`e hetan Difikuldades tamba , Manorin no Alunus Balun ho Kondisaun Sa`ude nebe la Permite, maibe la dejanima Alunus Sira no Manorin sira atu hala`o Ensino aprendijajen, tamba Prosesu Ensino tuir duni Planu nebe Eskola no Ministerio Trasa ona. Padre David Hateten.

Entretanto; Ensino Tecnico Agricola ga ETA Don Bosco Fuiloru ho Alunus Atus Ida Lima nolu resin Sia (159) ho Total Manorin Rua nolu resin Hitu (27) ne`e kontinua nafatin hala`o sira nia Prosesu Ensino , no Sei Para wainhira Hetan Orientasaun Husi Ministerio nebe Relevante .

Jornalista: Sdc

Editor:Nascimento Provincial

Comment