by

Be`e Fase Liman nian Iha CSI Lospalos la Sufisiente hodi Fasilita Comunidade Sira.

RCL VP NEWS 05/10/2021

Tuir observasaun Jornalista RCL iha tereno segunda feira ne’e (04-10-2021) nota katak,be’e mos ne’ebe atu fasilita komunidade sira hodi fase liman, antes tama ba aredores Centro Saude Intreinamentu Lospalos ladun suficiente Prejudika tebes ba Komunidade Sira atu Fase liman Antes tama Centro Saude Internamento CSI Lospalos , Hodi hetan Atendimento Sa`ude nian .

Hatan ba Questaun ne’e Chefe Centro Sa`ude Internamentu Lospalos Municipiu Lautem , Justino dos Santos ba jornalista RCL iha Nia knar fatin Segunda feira 04/10/2021 ne’e hateten katak , Centro Sa`ude Lospalos kontinua Ense Be`e ba Depojito Be`e nebe Iha , maibe la Sufisiente ba Komunidade Sira nebe kada loron ho Volume bo`ot iha Centro Sa`ude Refere .

” kona ba be’e hau hanoin nafatin iha porque ema barak mak uja, dala ruma la to’o maibe hau hanoin tanki nebe Ami Prepara iha CSI Nia oin ne`e maximu ona tamba tenki ne’e bo’ot maibe kompania sira nebe halo Uma iha area CSI nia ne`e Uja Hotu ba Sira nia Servisu , entaun dala ruma be’e iha oin mamuk hodi nune’e iha oin ne’e ema mai fase liman dala ruma la iha,” Hateten Justino dos Santos ba Jornalista RCL iha Centro Sa`ude Lospalos.

Justino ne’e akresenta tan katak , relasiona ho problama ida ne’e nia parte oriente ona Pesoal Limpeja CSI Lospalos nian , hodi Enxe be`e ba Depojio be`e nebe Iha kada Loron atu nune’e bele fasilita Komunidade sira hodi fase liman antes tama ba aredores centru saude lospalos nian.

” hau fo hatene ona ba kompanya nebe hala’o limpeza iha Ami nia Centro atu kontinua Ense Be`e  Depojito nebe iha , lor-loron be’e tenki nakonu ne’e hodi nune’e ita nia ema sira mai ne’e presija fase liman foin mak tama ospital porque agora ita hare ne’e Covid ne’e laos dok fali ona,  agora Covid ne’e iha ita nia le’et, ne’e mak hw fo hatene ona ba kompanya ne’e para loro-loron enxe be’e no mos ida be sabaun sira ne’e nafatin prepara oinsa atu ita nia ema sira ne’e mai tenke fase liman foin mak tama ospital.

Entertantu : dadaun ne’e aktividade triajem iha Centro Sa`ude Intreinamentu Lospalos Municipiu Lautem kontinua la’o hanesan bai-bain .

Jornalista;ito

Editor:Nascimento Provincial

Comment