by

Gabinete Sociedade Civil hala`o Sosialijasaun kona ba Premio Nutrisaun iha Municipiu Lautem.

RCL VP NEWS 06/10/2021

Gabinete Primeiro Ministro , liu husi Gabinete Sosiedade Civil  Quarta feira ne’e (06/10/2021) hala’o Socializasaun kona ba Premio Nutrisaun husi Chefe do Guvernu  ba Lider Komunitario , Grupo Feto , Grupu Agrikultores , Grupo Juventude no Grupu Suporta Inan sira , atu oinsa bele redus Malnuntrisaun no Seguransa ai han iha Municipiu lautem .

Chefe Equipa Gabinete Sociedade Civil Jaime Reis ba Jornalista RCL iha salaun Administrasaun Municipiu Lautem quarta feira ne’e hateten katak , socializasaun ne’e hanesan planu insiativa husi Primeiro Ministro , atu oinsa bele oferece Premio Nutrisaun nian ba kada kategoria hanesan Chefe Suco ,Grupo Feto ,Grupu Agrikultores , Grupo Juventude no Grupu Suporta Inan sira iha teriotio Timor-Leste nebe ho inisitiva rasik hodi Apoiu Guvernu atu reduz  Malnutrisaun no Inseguransa ai han iha nasaun ida ne’e .

Jaime Reis haktuir tan katak , Primeiru Ministero reativa hikas Premio Nutrisaun ida ne’e tamba bazea ba dados ne’ebe foin dadauk lansa iha reuniaun Parseiru Dezenvolvimentu iha loron 30 fulan Julhu 2021 katak Timor-Leste sofre Malnutrisaun no inseguransa aihan.

“ Tamba sa mak nain Primeiru Ministru hakarak reativa fali Premio Nutrisaun tamba, dados ne’ebe foin dadauk nain Primeiru Ministro lansa iha reuniaun Parseiru Dezenvolvimentu iha loron 30 fulan julhu 2021 , iha dados ne’e hatudu katak Timor-Leste sofre Malnutrisaun no Insiguransa aihan, no dados ne’e hatudu katak insiguransa aihan recorda 36 % no mal nutrisaun liu-liu ba ema rurais badak recorda 47.1 % no mos ema isin krekas recorda 8.6, ne’e hatudu katak durante dekada ida 2010 to’o  2020 ita hatun numeru kuaze 11 la liu 12 tamba ne’e maka inistiva nain Primieru Ministro hakarak fo premio ba kada kategoria sira  hanesan Sefe Suku, Grupu To’os Nain, Grupo Feto No Grupu Suporta Inan ne’ebe iha inisitiva atu apoiu Guvernu tanto iha nasional no municipal ne’ebe hakarak kontribui hodi redus malnutrisaun no inseguransa aihan,”  hateten Jaime Reis ba Jornalista RCL iha Salaun Administrasaun Municipiu Lautem Quarta feira ne’e.

Jaime Reis ne’e mos informa katak , bajeia ba dados peskiza nian ne’ebe hala’o husi equipa Organizasaun Ai han mundial  iha tinan 2018 ne’e Municipiu Lautem rejista ema ne’ebe seguru ba aihan purcentu hitu (% 7 ) / nato’on ne’e purcento Ruanolu resin Lima ( % 25 ) no la seguru ba Aihan purcentu Ha’at nolu (% 40 ) //

“ iha Lautem deit iha dukumentu hateten katak, ema nebe seguru aihan 7 % , nato’on  ne’e maka sae ba 25 %  I aihan la seguru ita rejistu 40 %, ba lautem deit, ne’e pesika ida ne’ebe hala’o husi programa aihan mundial iha 20218 to,o 2020 ita seidauk iha estudu ida nebe bele hateten katak numeru ida ne’e tun, tamba ne’e guvernu nafatin adopta pesikija ida ne’e nudar indikador ida ba ita atu servisu makas, “ Jaime haktuir

Sorin seluk Sekretario Municipiu Lautem Jacinto da Costa hateten katak,socializasaun  refere ne’e bele ajuda ita hodi hatene Porsentagen malnutrisaun no insugransa aihan nian iha Municipiu Lautem , tamba ne’e presija konvida leader komunitario no grupu nain sira atu mai partisipa socializasaun ida ne’e hodi rona no hatene oinsa bele produs aihan ne’ebe suficiente ba rai Lautem ida ne’e.

“ Peskija ida ne’e bele ajuda ita katak husi suku ida ne’e, postu ida ne’e, nivel municipiu ida ne’e hamlaha percentage hira , hahan la iha percentage hira, tamba ne’e mak ita presija chefe suku sira mai la’os atu buka deita  hahan nebe kualidade maibe pelumenus hahan ida ne’ebe ho suficiente han ne’e iha ona mak foin ita buka fali nia qualidade, tamba ne’e hau husu ba maluk sira hotu nain liurai sira, rona didiak, hatene didiak, atu bele moris tuir, identifika ita nia povu nebe hamlaha, hahan la iha hela deit orsida ita bele hatene no it abele moris, liurai sira nebe hanesan mata dalan ne’e bele acelera tan nia servisu no bele kolobora ho nia povo atu bele oinsa produs aihan nebe suficiente ba rai lautem nian “Jacinto da costa informa.

Entertanto : socializasaun kona ba Premio Nutrisaun Primeiru Ministro nebe organiza iha salaun administrasaun  Municipiu Lautem quarta feira ne’e la’o diak tamba hetan partisipasaun maximu husi Leader Komunitario,Sociadade Sivil no Grupo Agrikultores no hortikultura sira iha Municipiu Lautem .

JORNALISTA:ito & jack

EDITOR:Nascimento Provincial

 

Comment