by

Tinan Oin BTL EP sei Dejenvolve Sistema Kanalijasaun Be`e Mos iha Municipio Lautem

RCL VP NEWS 06/10/2021

Be`e Timor Leste Empreja Publika ga BTL EP Sei Dejenvolve Sistema Be`e Mos , no Bele Fornese be`e Mos ba Komunidade Sira ho Kualidade , tamba Projecto Kanalijasaun Be`e Mos iha Vila Lospalos no Area nebe Besik sei hahu iha Tinan Oin .

Director  Servisu Agua no Saniamento Municipio Lautem Jose Vilanova Pires ba Liu Husi Programa Dada Lia iha Estasaun Radio Comunidade Lospalos Quarta Feira ne`e hateten katak , Dirasaun Be`e Timor Leste Empreja Publika Halo Ona Preparasaun Masimo hodi Fornese be`e Mos ba Comunidade Sira iha Vila Lospalos , Be`e Iha Fatin 3 Mak Merese atu Kanalija ba Komunidade Sira .

Jose Vila Nova Pires mos hateten katak ,Tinan oin Problema kona ba Be`e Mos sei la Mosu ona tamba  ,BTL EP Hein de`it Projecto Kanalijasaun tamba  Tecnico Aqua  de Portugal  Finalija ona Biohidrologia ba kualidade rai Ho Standarte Internasional no sei halo Kanalijasaun Foun Total, hodi fornese be`e mos ba Komunidade Sira kada Uma ida-ida iha Vila Lospalos .

‘’ Iha Tinan 2015 Governo Timor Leste parseria ho ADB  Bangku Dejenvolvimento Asitico (Asian Devenlopman Bank) hodi halo Master Plan kona ba Be`e mos nian ba Municipio  Hat hanesan , Baucau , Viqueque , Same no Lautem  , maibe Master Plan ba Municipio Lautem Remata iha Tinan 2017, no to`o ohin loron Prosesu Hotu remata ona no Sei hahu Kanalijasaun Be`e mos ba Komunidade iha Tinan oin , nebe hau Fiar Katak ho Projecto Bo`ot ida ne`e bele Redus ona Problema Kanalijasaun be`e mos iha Vila Lospalos , Municipio Lautem ‘’ Declara Jose Vilanova Pires Quarta Feira 06/10/2021.

Entertantu : Entertantu : Be`e nebe Fura Ona Iha Municipio Lautem nebe hetan debito nebe diak hodi Fornese ba Comunidade Sira mak iha Home Fatin Rua no Bairo Laruara 1 no Perfurasaun Be`e Mos iha Fatin 3 Ne`e mak sei Fornese Be`e Mos ba Komunidade Iha Vila Lospalos no Area nebe Besik . syda, linda&sinta

Comment