by

Distribuisaun Be`e Mos Sida`uk la`o diak tamba falta de Konsiensia ba Uju

RCL VP NEWS 07/10/2021

Director Servisu Agua no Saniamento ga SAS Municipio Lautem Konsidera katak , Durante ne`e Distribuisaun Be`e mos ba Comunidade Sira sida`uk Lao diak tamba , Komunidade Sira sida`uk iha Konsiensia ba Uja Be`e mos Husi SAS , Husu ba Komunidade Sira atu Tau Konsiensia hodi Uja be`e ho Responsabilidade .

Director Servisu Agua no Saniamento Municipio Lautem Jose Vilanova Pires Kasu lia hirak ne`e iha Estasaun Radio Komunidade Lospalos Quarta Feira 06/10/2021 ne`e .

Director ne`e Mos hateten tan katak , Durante ne`e Distribuisaun Be`e Mos sempre Problema tamba Livre demais , tamba Komunidade Sira Uja Be`e tuir Sira nia Hakarak , hodi fo Impakto ba Comunidade Barak mak la Asesu Be`e mos ho Diak.

‘’ Durante ne`e Distribuiaun be`e mos sempre Problema tamba Be`e Nebe Distribui husi SAS , Komunidade balun Fornese ba Kolam Ikan , Uja ba Rega Modo no iha Fatin Seluk la hetan liu be`e , nune`e ba Oin Atu Gere ho Diak Sistema Distribuisaun ne`e ita Tengki liu husi Uja Kontador , Nune`e Komunidade Sira bele Uja be`e ho Responsabilidade , se lae Komunidade Husik be`e Suli ‘’ Dehan Jose Vilanova Pires  iha Estasaun Radio Komunidade Lospalos Quarta Feira 06/10/2021 ne`e .

Jose Vilanova Pires mos Informa katak , bajeia ba Dekreto Lei Numeru 4/2004 Servisu SAS Municipio Lautem Estabelese ona Taxa Registrasaun ba Kliente sira nebe Hakarak atu dada Be`e Nebe Distribui husi SAS , ho Presu Dolares Americano Lima Nolu resin Lima (US$ 55.00) ba Komunidade bai-bain no ba Emprejario Dolares Americano Atus Ida (US$ 100.00).

‘’ Oras ne`e dada`uk ita iha Taxa Rejistrasaun  Bajeia ba Dekreto Lei Numeru 4/2004 Servisu SAS Municipio Lautem Estabelese ona Taxa Registrasaun ba Kliente sira nebe Hakarak atu dada Be`e Nebe Distribui husi SAS , ho Presu Dolares Americano Lima Nolu resin Lima (US$ 55.00) ba Komunidade bai-bain no ba Emprejario Dolares Americano Atus Ida (US$ 100.00) no Taxa Rejistrasaun ne`e Aplika ona iha Tinan 2016 , Antes da Isto ita dada be`e ho Gratuito , maibe tamba Kriteria Haruka ita , hau tengki Implementa hodi hatama ba Kofre Estado ‘’ Vilanova Informa.

Entretanto ; Atu Utilija be`e nebe Distribui Husi SAS Municipio Lautem tengki uja ho Responsabilidade no Tau Konsiensia hodi Taka Wainhira Kuru hotu ona , nune`e Ema Seluk bele Asesu , tamba Be`e hanesan Nececidade Bajiku ba Ita ema nia Moris .

JORNALISTA ;SILISI

EDITOR  ;NASCIMENTO PROVINCIAL

Comment