by

Agricultores sira Atesta Mina ba Programa Fila Rai nebe hala`o Husi MAP.

RCL VP NEWS 08/10/20218

Programa fila Rai ba epoka 2022 nian ne’ebe la’o ona iha Municipiu Lautem ne’e , Agrikultores sira  mak Atesta Mina Kuaje Litro 30 ba Trator hafoin Fila Agricultor ida nia To`os ho Meia Hektar , tamba To`o Agora Ministerio Agricultura no Peskas sida`uk iha Kombustivel no sei iha Faze Tenderijasaun ba Fornesimento Kombustivel ba Trator Sira .

Chefe Departamento Agrikultura Hortikultura no Extensaun Municipiu Lautem / Manuel Madeira Savio ba jornalista RCL iha Nia knar Fatin Quinta Feira ne’e  hateten katak , Fornesimento Mina ba Programa Fila rai Gratuita Nivel Nasional sei Prosesu nia laran , no nia parte sida`uk hatene wainhira mak implementa ,  tamba Governo liu husi Ministerio Agrikultura No Peskas foin maka loke tenderizasaun .

Manuel Madeira ne’e mos haktuir tan katak , ho Problema ida ne`e Servisu Municipal Agricultura liu husi Departamento Agricultura Hortikultuta no Estensaun , hamutuk ho Lideres Comunitario Sira Deside hodi fo Responsabilidade ba Agricultores sira atu Atesta Mina Rasik , tamba Wainhira Hein Mina Gratuita Prosesu Fila Rai sei Tarde .

“ Tamba razaun Mina Gratuita ne’e iha ona processo nia laran a nivel nasional, buat hotu a nivel nasional mak kria , wainhira mak mai ne’e ita la hatetene , tamba foin tama ba processo tenderijasaun , nune`e Servsisu Municipal Agricultura hamutuk ho Lideres Komunitario iha Municipio Lautem Deside hamutuk hodi  fo Responsabilidade ba Agricultores sira hodi Fila sira nia To`os ho lalais , tamba Tempo Fila no Hamo`os to`os mos la`o dada`un , nune`e ho Desijaun ida ne`e Kada Agricultores nebe hakarak Fila sira nia Rai ho Trator Estado nian , tengki Atesta ou Kontribui  Mina hamutuk Litro 30 ba Meia Hektar,” hateten Manuel Madeira Savio ba jornalista RCL iha Nia knar Fatin Quinta Feira ne’e.

Manuel ne’e mos husu ba Agrikultores sira iha Municipiu Lautem , atu la bele abandona to’os ne’ebe fila ona , maibe tenke uza didiak no kuda aihan nebe fo benefisio ba ita Povu Municipiu Lautem , tamba rai Lospalos ne’e potencia bo’ot ba produsaun agrikola .

“ Sim, lia menon ba to’os nain sira, agrikultor hot-hotu iha Municipio Lautem katak , ita nia rai Lautem  potensia bo`o ba Agricultura ninian , ne’e duni , hotu-hotu konsente katak rai ne’e fo riku ba ita, ita mak ho ita nia konsiensia oinsa ita mak hadia ita nia Rai, kualifika ita nia teknika , ami tekniku agrikultura pronto apoio , maibe rai ne’ebe fila ona liu husi processo fila rai ne’e , tenke kuda, to’os ne’ebe fila ona tenke halo lutu tamba ita nia animal rasik barak husik, buat hot-hotu  teknika  ami esplika ami apoio, rai ne’ebe fila ona ne’e labele husik abandona deit hanesan fo tanda  ne’e la diak, se agrikultor ne’ebe maka nia sentimento hanesan ne’e , wainhira ami identifika kona tinan rua tutuir Malu ami sei la fo oportunidade ba nia atu fila ninia rai,” Manuel informa.

Entertantu  :  Manuel Madeira ne’e mos apela ba agrikultores  sira iha municipiu Lautem atu hahu ona kuda fore sira iha ida-idak nia to’os , atu nune’e tinan oin ita la bele fila rai ona , maibe bele liu husi teknika konservasaun agrikultura nian ne’ebe sei fo benefisio ba produsaun agrikola nian iha Municipiu Lautem .

 

Jornalista ;  ito&jack

Editor ; Nascimento Provincial

Comment