by

Postu Lautem sei sai Uma nain ba Celebrasaun loron 28 de Novemro ba tinan Ida nee  Nivel Municipio .

RCL VP NEWS 18/10/2021

Serimonia Selebrasaun Komemorasaun loron 28 de Novembro Nivel Municipio Sei halao Iha Posto Administrativo Lautem, Tamba Comisaun organijadora ba Loron Nasional Municipio Lautem Deside  ona Liu husi Enkontro Comisaun , Nunee Posto Administrativo Lautem Mak sei responsabilija ba Evento istorico Ida nee.

Administrador munisipio lautem Domingos savio ba journalists RCL iha nia inar fatin segunda feira nee hateten katak , kona ba selebrasaun loron 28 de Novembro anivel municipal nian nee mak sei halao iha Postu Administrativu Lautem.

“ konaba celebrasaun loron 28 ninian ne’e, iha postu hot-hotu sei hala’o, orsida ita koloka hela ita nia director municipal sira, atu nune’e bele reprezenta municipiu ba postu hot-hotu, mais cerimonia ida be baibain halo iha kapital Lautem ne’e ita muda ba fali iha postu Lautem sira mak organiza, ita nia aktividade bo’ot liu ne’e ita bele konvida reprezentante husi postu sira sei hot-hotu iha Lautem konserta iha lautem , ita hala’o cerimonia municipiu nian iha Lautem,” dehan domingos savio.

Administrador nee mos haktuir katak , dadaun nee serviso Administrasaun Munisipio Lautem liu husi Finansa , aloka ona Orsamento Estado nian ba kada Postu hodi halao preparasaun ba selebrasaun loron 28 de Novembro tinan ida nee nian.

“ iha postu ida ita fahe kapasidade orsamentu ne’ebe iha tuir ita nia populasaun ne’ebe mak iha, ita koloka barak oituan ne’e iha aktividade ne’ebe mak atu halo iha kapital ne’e agora muda fali ba Lautem ne’e serimnia bo’ot oittuan ne’ebe maka atu hala’o iha postu Lautem,” domingos haktuir.

Entertantu:Alokasaun orsamento ba Postu Administrativo Lautem hamutuk Rihun Ha’at , Atus Ha’at $4,400.00 , Postu Lospalos Rihun Ida Atus Rua $1,200.00, Postu Iliomar Atus Ne’en Lima Nolu , $650.00, Postu Luro Atus Ne’en Lima Nolu $ 650.00, Postu Tutuala  Atus Ne’en $600.00.

 

Jornalista ; Ito

Editor ; Nascimento Provincial

 

Comment