by

Equipa STVJ Comoro Dili  hala`o Treinamento  Movel iha Suco Leuro.

RCL VP NEWS 25/10/2021

Equipa Sentro Treinamento Vokasional Juventude ga STVJ  Comoro Dili nebe hetan Suportasaun Governo Alemanha liu husi GIZ Segunda Feira 25/10/2021 ne`e hala`o Treinamento Movel ba Comunidade sira  iha Suco Leuro , Postu Administrativo Lospalos,Municipio Lautem kona ba Prosesamento Aihan Lokal.

Chefe Equipa STVJ Leonel Noronha das Neves ba Jornalista RCL Segunda Feira 25/10/2021 ne`e hateten katak , Objetivo husi Treinamento ne`e atu Kapasita diak liu tan Komunidade sira oinsa bele halo Inovativo ba Produtu Lokal nebe Sira rasik iha , no bele Aproveita  Produtu Lokal nebe la folin iha Mercado hodi sai fali Buat nebe mak bele  iha Folin .

Leonel mos informa katak , Treinamento ida ne`e halai liu ba Prosesamento Aihan Lokal ,no Liu husi Treinamento ida ne`e Komunidade sira bele halo Inovativo Produtu nebe sira iha sai fali Marmelada , nune`e bele Folin hikas iha Mercado .

‘’Objetivo husi Treinamento ne`e atu Kapasita diak liu tan Komunidade sira oinsa bele halo Inovativo ba Produtu Lokal nebe Sira rasik iha , no bele Aproveita  Produtu Lokal nebe la folin iha Mercado hodi sai fali Buat nebe mak iha Folin . Treinamento ida ne`e halai liu ba Prosesamento Aihan Lokal ,no Liu husi Treinamento ida ne`e Komunidade sira bele halo Inovativo Produtu nebe sira iha sai fali Marmelada , nune`e bele Folin hikas iha Mercado ‘’ Informa Chefe Equipa STVIJ Leonel Noronha das Neves ba Jornalista RCL Iha Segunda Feira 25/10/2021 ne`e.

Husi Sorin seluk Chefe Suco Leuro Carlito Viegas sente Orguilho ho Equipa Sentro Treinamento Vokasional Juventude Comoro Dili , tamba Bele iha hanoin diak hodi Oferese Treinamento kona Prosesamento Aihan Lokal ba Komunidade Sira iha Suco Refere .

Hau Nudar Autoridade Local iha Suco ida ne`e apresia ho Programa Sentro Treinamento Vokasional Juventude Comoro Dili , oferese ba Comunidade sira iha Suco Leuro ne`e , tamba durante Produtu Local nebe Comunidade sira iha dala barak Soe le`et de`it wainhira la Folin iha Mercado , maibe ho formasaun ida ne`e bele ajuda Comunidade sira atu hasa`e sira nia kapasidade oinsa bele halo Prosesamento Aihan lokal ho inovativo ‘’ Tenik Chefe Suco Leuro Carlito Viegas.

Entretanto ; Formasaun ida ne`e hala`o husi Sentro Treinamento Vokasional Juventude nebe Finansia Husi Governo Alemanha liu husi GIZ ne`e sei la`o durante loron 5 , hahu husi Segunda Feira 25/10/2021 no Sei remata iha Loron Sexta Feira 29/10/2021 nebe hetan partisipasaun husi Comunidade ema Na`in 20.

Jornalista:(Sinta &sida)

Editor:Nascimento Provincial

Comment