by

SEJD Husu ba Foin Sa`e Sira atu Partisipa Masimo iha Evento ICT-CAMP ba tinan ida ne`e Municipiu Lautem .

RCL VP NEWS 25/10/2021

Sekretariado Estado Juventude No Desporto apela  ba juventude sira husi kada municipais sira ne’ebe participa iha evento ICT CAMP Tinan ida ne`e  nian iha Municipiu Lautem atu Aproveita ho diak  , hodi bele Dezenvolve diak liu tan nasaun ne’e ba oin , tamba prejensa informasaun teknologia bele halo mudansa ho lalais .

Secretario  do Estado Juventude no Desporto , Abrao Saldanha iha abertura Evento ICT CAMP iha Gimnajio Lospalos , Municipiu Lautem Segunda feira 25/10/2021 ne’e hateten katak , ho prejensa teknologia no informasaun iha Mundu  bele halo ona mudansa barak , tan ne’e informsaun no teknologia ne’e importante tebes ba Foin Sa`e  sira iha Nasaun ida ne’e , tamba gerasaun agora gerasaun teknologia nian .

Governante  mos informa katak , liu husi informasaun teknologia  ema bele asesu buat hotu no bele halo dezenvolvimentu ho lalais , tamba ne’e nia parte husu ba Foin Sa`e  sira iha Nasaun Timor-Leste liu-liu juventude sira ne’ebe agora partisipa hela ICT CAMP 2021 nian iha Municipiu Lautem  , atu aproveita didiak evento refere hodi hatudu kreatividade no konhesimenti iha dominio teknologia nian .

“ Teknologia no informasaun muda mundu tomak ona, revolusaun teknologia halo mundu ne’e iha mudansa lalais liu ho prejensa teknologia  , tamba ne’e mak ho segimentu ida informasaun no teknologia ne’e importante tebes ba ita foinsae sira , porque ita nia gerasaun ne’e gerasaun teknologia nian ita tenke hatene iha dominio teknologia para ita bele kompete  ho rai sira seluk, liu husi informasaun teknologia . No informasaun mundu ohin loron ne’e sai  Aldeia ida deit, la luan ona hanesan uluk ita sei eskola estuda geografia hare bo’ot los, ho teknologia ohin loron ema bele tur iha Foho Paichau Ramelau no Kablake nia okos, ema bele hatene Amerika iha ne’ebe, livru saida maka iha amerika sa aktividadesa eventu  mak akontece iha Englaterra, sa evento mak akontece iha SPNES sa evento mak akontece iha mundu tomak sa noticia mak la’o iha ne’eba sa kreatividade mak mosu, tekbnologia nia prejensa halo mundu  sai aldeia ida,  tamba ne’e mak husu maluk foensae sira atu aproveita diak evento ida ne’e hodi hatudu ita nia kreatividade ita nia konhesimento iha domino teknologia no informasaun,” dehan Abrao Saldanha.

Entertantu : Governo Liu husi Sectretario do Estado Juventude no Desportu , Husu ba Juventude sira atu partisipa eventu refere ho diak , atu nune’e sai ema ne’ebe fas parte ba solusaun la’os problema  no kontinua partilha konhesimentu no abilidade kona ba informasaun teknologia nian ba ema hotu   atu nune’e bele dezenvolve rai ne’e ba oin

Jornalista:ito

Editor:Nascimento Provincial

Comment