by

Taxa Partisipasaun Vasinasaun Covid-19 Atinji ona 63 % liu

RCL VP NEWS 27/10/2021

Taxa Partisipasaun Komunidade Sira iha Municipio Lautem ba Vasinasaun Covid-19 Husi Fulan Abril to`o Agora , atinji ona Porsento Ne`en nolu resin Tolu Virgula Rua (63,2%) , tamba Komunidade Sira iha ona Konyesimento diak kona ba Importansia husi Vasinasaun nian .

Director Servisu Municipal Sa`ude ga SMS Municipio Lautem , Anastasio da Cruz ba Jornalista RCL Quarta Feira 27/10/2021 ne`e ba Jornalista RCL Iha nia Kna`ar fatin  Informa  katak , Taxa Vasinasaun Covid-19 iha Municipio Lautem Atinji ona Porsento Ne`en nolu resin Tolu Virgula Rua (63,2%) ne`e siknifika katak , sira nebe mak hetan Vasinasaun Doze Primeiro ne`e hamutuk Rihun Rua Nolu Resin Rua , Atus Sia , Lima nolu resin Ida (22.951) Husi Municipio Lautem nia Alvu Rihun Tolu Nolu resin Ne`en , Atus Ha`at Sanolu resin Walu (36.418) mak sei hetan Vasinasaun .

Director ne`e mos Informa tan katak , Dadus Akumulativo ida ne`e Akumula husi Centro Sa`ude 5 Iha Municipio Lautem , Kompostu Husi Centro Sa`ude Iliomar , Luro , Lautem , Tutuala no Centro Sa`ude Lospalos , no Porsentagen nebe Bo`ot ne`e mai husi Centro Sa`ude Iliomar .

‘’ Taxa Vasinasaun Covid-19 iha Municipio Lautem Atinji ona Porsento Ne`en nolu resin Tolu Virgula Rua (63,2%) ne`e siknifika katak , sira nebe mak hetan Vasinasaun Doze Primeiro ne`e hamutuk 22.951 , Husi Municipio Lautem nia Alvu Rihun Tolu Nolu resin Ne`en , Atus Ha`at Sanolu resin Walu (36.418) mak sei hetan Vasinasaun , no Dadus Akumulativo ida ne`e Akumula husi Centro Sa`ude 5 Iha Municipio Lautem , Kompostu Husi Centro Sa`ude Iliomar  77,97%  , Luro 73,75% , Mehara 73,74%, Lautem 58,24% no Centro Sa`ude Lospalos 58,53% , no to`o Agora total Numeru Populasaun nebe hetan ona Vasinasaun hamutuk 22.951 Husi Alvu Municipio Lautem nian nebe Presija Hetan Vasinasaun hamutuk 36.418.Informa Anastasio da Cruz ba Jornalista RCL Quarta Feira 27/10/2021 ne`e ba Jornalista RCL Iha nia Kna`ar fatin.

Anastasio mos Konfesa katak , Parese ita labele kobre hotu , tamba Municipio Lautem nia Ema iha Kapital Dili mos tama hotu ba Kobertura ida ne`e nia laran , nune`e karik ita labele atinji Tarjeto nebe Nasioanal fo ba Municipio Lautem ho Porsento Hitu Nolu to`o Walu Nolu (70-80%).

‘’ Parese Ita labele kobre hotu numeru ida ne`e iha Municipio Lautem , tamba Ita nia Ema sira nebe Hela iha Dili mos tama Hotu Numeru Kobertura ho total 36.418 , tamba Ita nia Ema simu doze Primeiro iha Ne`e , hafoin Kompleta Doze Segundu iha Dili , nune`e Ita sei labele atinji Targeto nebe mak hattu`un husi Nasional 70-80%, maibe hare`e ba Progreso diariamente kada loron Municipio Lautem bele hetan Porsento ida , Nune`e Hela de`it Loron 7-10 Municipio Lautem bele atinji ona Targeto nebe mai husi Nasional ‘’ Anastasio Konfesa .

Entretanto; ba dada`uk ne`e Aktividades Vasinasaun iha Municipio Lautem , uja sistema Dor to Dor ga tama uma sai uma , nune`e Komunidade sira nebe labele ba iha Posto Vasinasaun bele Asesu ho diak iha ida-idak nia uma , Hakarak Informa katak Stok Aimoruk Vasinasaun iha Municipio Lautem sei Sufisiente .

 

JORNALISTA ; Sisili

EDITOR ; NASCIMENTO PROVINCIAL

Comment