by

Kompanya Marvao Conservation Lda hahu rehabilita Rezidensia Administrador Municipiu Lautem nian .

 RCL VP NEWS 28/10/2021

Eis Administrasaun Municipio Lautem no Eis Edifisiu EDTL , Dada`un ne`e hetan ona Rehabilitasaun Husi Kompainia Marvao Conservation Lda , atu sai Rejidensia Administrador Municipio Lautem nian , tamba Husi Inisio Ukun A`an to`o Agora Pesoal nebe kaer Pasta Administrador Municipio , Governo la Prepara Rejidensia ba Sira, no hela de`it iha Uma Privado .

Director Kompanya Marvao Konservation Lda  Martinho Vao ba Jornalista RCL iha nia servisu fatin Quarta Feira 27/10/2021 Loraik ne`e  hateten katak , Rehabilitasaun Uma Atingo ne’e atu sai Rezidensia ba Administrador Municipiu Lautem nian ne’ebe kompanya hetan obra ne’e liu husi Tenderizasaun ou konkursu Local nebe hasai husi Administrasaun Municipiu Lautem .

Martinho Vao ne’e mos haktuir tan katak , Durasaun ba Prosesu Rehabilitasaun Rejidensia Administrador Municipio Lautem nian ne`e sei la`o durante Fulan Ne`en ou Hitu ho Total orasamentu ba rehabilitasaun ne`e ho Motante Dolares Americano Rihun Atus Rua Lima nolu resin Rua , Atus Sia Ne`en nolu ( $ 252.960.00) .

 “ Uma Antigo Iklui Moru Haleu ida ne`e rehabilita atu sai Rejidensia Administrador Municipio nia , no Prosesu ida ne`e la`os Ajudika de`it maibe Ami halo Prosesu Rehabilitasaun ne`e liu husi dalan Tenderijasaun ou Konkursu Lokal nebe hasai husi Administasaun Municipio Lautem , nune`e valor Orsamento ba Prosesu Rehabilitasaun ne`e hamutuk  $ 252.960.00 manan ho ida ne’e, rehabilitasaun uma no moru ne’e sei termina fulan 6 maibe ne’e tarde liu ona se bele aumenta fulan ida ga fulan rua hansan ne’e mak sei hotu, Maske Material Tuan hanesan Ai balun sei Diak maibe Tengki Troka hotu tamba bajeia ba BOQ ne’ebe iha,” Martinho Vao informa”

Entertantu : Prosesu Rehabilitasaun ba Rejidensia Administrador Municipio ne`e la`o ona iha Inisio Fulan ida ne`e no tuir Planu sei remata iha iha Tinan oin , tamba Projecto ne`e ho Duransaun 6 ou 7

Jornalista: ito

Editor:Nascimento Provincial

 

Comment