by

Processso Konstrusaun Uma Bi’it Laek Iha Muncipiu Lautem atinge ona kuaze % 50.

RCL VP NEWS 28/10/2021

Projecto ba Programa Nasional Dejenvolvimento Suco ga PNDS ba konstrusaun Uma ba Kbi`it La`ek ga UKL nebe hahu iha Inisio Fulan Setembro tinan ida ne`e iha Municipio Lautem Geralmente Atinje ona kuaje Porsento Lima nolu (50%) , tamba Kuaje Postu Administrativo sira iha Municipio Lautem Atinji Porsento Rua nolu ba leten  (20%+) .

Director Delegasaun PNDS Municipiu Lautem Alcino Da Silva ba Jornalista RCL iha nia knar fatin quinta feira 28/10/2021 ne’e hateten katak ,  total projetu ba konstrusaun uma kbi’it la’ek ba  tinan ida ne’e iha Municipiu Lautem hamutuk Aatus Ida Rua (102) no kuaze purcento sia nolu resin sia maka implementa ona husi servisu PNDS municipiu Lautem .

Alcino Da Silva ne’e mos informa katak , dadaun ne’e  prosesu  kontrusaun ba Uma Kbi’it Laek iha Postu Administrativu Tutuala kuaze atinge ona purcentu rua nolu resin walu (%28) , Postu Luro atinge ona purcentu lima nolu resin (%50+), Postu Iliomar atinge ona lima nolu resin lima (%55) ,Postu Lospalos atinge ona purcentu ruanolu resin sia (%29) no Postu Administrative Lautem atinge ona purcentu ha’at nolu resin rua (%42) .

“ konstrusaun Uma Kbi’it Laek ne’ebe ita implementa iha tinan ida ne’e hamutuk 102 husi 102 ne’e % 99 mak  implementa ona no iha suku ida mak ita seidauk implementa tamba iha situasaun ne’ebe ita infrenta maka Problema Estrada tamba ne’e mak provizoriamente sei pendente hela, suku hot-hotu ita implementa hotu ona hanesan iha Tutuala konstrusaun hamutuk 6 no husi 6 ne’e rata-rata atinge ona % 28, mai fali iha Luro konstrusaun uma kbi’it laek hamutuk 18 no atinge ona % 50+, ba fali Iliomar  ne’e mos  konstrusaun ne’e 19 no atinge ona % 55 tiha ona, mai fali iha Lospalos, lospalos foin atinge % 29 ho konstrusaun hamutuk 30 no mos ba fali iha Lautem ne’e mos konstrusaun 30 ho % 40,” Alcino Da Silva informa.

Director PNDS ne’e mos akrecenta katak , tuir time line PNDS nian processo konstrusaun ba uma kbi’it laek iha municipiu Lautem sei finaliza iha fulan novembro tinan ida ne’e maibe tamba ho difikuldades ne’ebe equipa hasoru iha tereno ho nune’e processo refere sei finalize iha fulan dezembro tinan ida ne’e nia laran .

“ konstrusaun ne’e, tuir time line ne’e tenke remata iha fulan nuvembro maibe ita hatene katak ita mos hetan difikuldades iha tereno, laos ba ami nia funsionario teknik deit maka la halo servisu ho diak maibe ne’e relasaun ho ema barak, portanto ita servisu ho ema barak ne’e sempre iha failansu ne’ebe akontece iha tereno hanesan ita nia fornecedor mos hatama material tarde depois ita nia badain sira mos servisu la tuir orario ne’ebe ita define maibe konstrusaun balum-balum sei remata iha fulan novembro nia laran,” Director PNDS Municipiu Lautem Akrecenta.

Entertanto :  tinan ida ne’e Total projetu konstrusaun Uma Kbi’it Laek iha Municipiu Lautem hamutuk Atus ida rua (102) , Maibe Uma Tolu sida`uk Uma 3 iha Suco Wairoque mak seida`uk Implementa tamba Kestaun Kondisaun Estrada nebe labele Asesu .  

Jornalista:ito

Comment