by

Juventude sira orguilhoho programa ICT CAMP 2021 iha Municipiu Lautem

RCL VP NEWS 29/10/2021

Foin Sa`e sira husi Husi Municipio 10 iha Timor-Leste orguilho ho programa ICT CAMP ba Tinan ida ne`e (2021)  ne’ebe organiza husi Sekretario Estado Juventude no Desporto hamutuk ho Centro Dezenvolvimentu Juventude ga CDJ Municipiu Lautem iha Gimnajio Lospalos , Municipiu Lautem tamba bele eleva ona sira nia abilidade iha dominio teknologia no Informatika nian .

Juventude ida husi Regiaun Administrativa Especial Oecussi Ambeno  ga RAEOA Domingas de Fatima Nautos ne’ebe Jornalista RCL hasoru iha Ginagio Municipiu Lautem Sexta Feira 29/10/2021 ne’e hateten katak ,  nia parte sente kontente ba formasaun ne’ebe sira tuir ona durante loron lima iha  ICT CAMP tamba bele aumenta ona nia konhesimentu kona ba utilizasaun internet ho diak .

Domingas ne’e mos informa katak, materia ne’ebe sira aprende iha eventu ICT CAMP tinan ida ne’e nian iha Municipiu Lautem mak hanesan oinsa atu cria Pagina  facebook ,  oinsa evita informasaun falsu sira iha media social ,  oinsa cria chanel youtube no website nian .

 “ Ba ami nia sentimentu tuir formasaun iha semana ida nia laran ami sente kontente , tamba  ami bele hetan informasaun barak liu-liu ba ICT nian, oinsa bele hatene kria website ninian depois oinsa bele halo chanel youtube ninian no mos ba Pagina  facebook ninian, materia ne’ebe ami hetan iha ne’e, ami sei aplika fali ba iha ami nia municipiu tamba husi municipiu mai iha ne’e mos ami nia director fo konfiansa mai ami katak ami fila husi fatin ida ne’e ami sei  implementa iha ami nia municipiu, materia sira seluk primeiru nian mak hanesan oinsa atu bele kria halam facebo’ok nian no oinsa labele pengaru ba informasaun falsu depois atu halo chanel youtube no mos oinsa bele halo website nian,”  dehan Domingas de Fatima ba jornalista RCL  iha ginajio municipiu lautem Sexta feira ne’e.

Fatin hanesan Calisto Amaral Ximenes de Soiuja Nudar Foin Sa`e ida Husi Municipiu Aileu mos haktuir tan katak, nia parte reprezenta juventude husi Municipiu Aileu , agradese no orguilho ba Programa refere tamba bele aumenta ona sira nia kapasidade iha Area teknologia no informatika nian atu bele halo mudansa ba dezenvolvimentu nasaun ida ne’e nian iha futuru .

“ Hanesan partisipante ba iha programa ne’e agradese no kontenti ho material ne’ebe ami hetan , maske oituan maibe hanesan bukae ida mai ami , ho nune’e ba future it abele buka sai diak liu tan hodi hadia ita nia nasaun iha area teknologia no inforamsaun nian, claramente katak saida mak ami hetan iha ne’e , ami sei sai kontinuador iha ami nia centro rasik hanesan iha Municipiu Aileu, ami fila fali ba koko atu loke formasaun ne’e ba kolega joven sira ne’e be mak iha inisiativa hakarak aprende  hanesan ho ami,” Calisto Amaral haktuir.

Entertantu : juventude sira husi kada Municipio agradese mos ba Guvernu liu husi Sekretario Estado Juventude Desportu, tamba bele organiza ona evento ida ne’e ba foinsae sira hodi aprende kona ba area teknologia no informatika nian .

Jornalista:ito

Editor:Nascimento Provincial

Comment