by

CDJ  Municipio Lautem Selekta ona Proposta ba Programa Emprendedorismo Social Juventude Suku hamutuk 45 Husi 80 Proposta nebe tama.

RCL VP NEWS 04/11/2021

Centro Dejenvolvimento Juventude ga CDJ Municipio Lautem liu husi Equipa Seleksaun Proposta ba Programa Emprendedorismo Sosial Juventude suco , Selekta ona Proposta hamutuk Ha`at nolu resin Lima ,(45) Husi Proposta Walu Nolu nebe hatama Husi kada Suco iha Municipio Lautem iha Fulan Julho tinan ida ne`e .

Chefe Ekipa avalisaun proposta iha Centru Dejenvolvimentu Juventude Munisipio Lautem Elder Gustavo nebe jornalista RCL hasoru iha nia serviso fatin quinta feira 04/11/2021 nee Informa katak Total Proposta nebe Equipa Avaliasaun Simu iha Fulan Julho Liu ba hamutuk Proposta Walu nolu (80) no konsege Verifika no Avalia durante Fulan 4 nia laran , konsege Selekta Proposta Ha`at nolu resin Lima (45) Proposta mak Pasa no Proposta Tolu nolu resin Lima (35) mak La pasa .

Elder Gustavo ne`e mos Deklara tan katak , Total  Propota Husi suku  nebe mak liu ona seleksaun Dokumentus husi  Postu  Administrativo Lospalos hamutuk  Sanolu resin  Tolu (13) , Postu  Lautem hamutuk sanolu resin ida (11) , Postu Luro hamutuk sanolu (10) , Postu Iliomar hamutuk hitu (7),no Postu Tutuala hamutuk hat (4) .

‘’Publikasaun Hatama Proposta ne`e hahu iha fulan Julho nia laran nee  loke ba publiko iha Municipio Lautem  , no hahu Husi Inisio Centru Dejenvolvimentu Juventu Munisipio Lautem simu proposta hamutuk 80 ,no liu husi Prosesu Avaliasaun ekipa avaliasaun no Verifikasaun konsege Selekta Proposta Hamutuk 45 no 35 resin lima la Pasa iha Seleksaun no Avaliasaun , Nune`e Proposta nebe mai Husi Posto Administrativo Lautem Hamutuk 20 no Pasa 11 , Husi Postu Iliomar proposta hamutuk 8 , no Proposta 7 mak Pasa ,Postu Luro proposta hamutuk 10 pasa hotu ,Husi  Postu Tutuala proposta hamutuk 4 no pasa hotu no iha Postu Lospalos proposta hamutuk 35 proposta hamutuk  13 mak liu no 25 mak la bele liu, tan nee total proposta nebe mak liu hamutuk 45 maibe tuir target husi sekertario estado juventude desportu nian tenki tama 55 tan nee falta proposta 10 mak sedauk, nebe fo oprtudade ba suku sira nebe mak sedauk hatama proposta tan nee postu lospalos fata suku 2 ,Postu lautem falta suku 4 mak sedauk hatama proposta no iliomar sei presija tan Proposta 3 tamba suku 3 mak seduk hatama proposta ,no iha postu tutuala falta proposta ida mak sedauk hamata ‘’  Dehan Ekipa avalisaun proposta iha  centru Dejenvolvimentu Juventude Munisipio Lautem Elder Gustavo nebe jornalista RCL hasoru iha nia serviso fatin quinta feira 04/11/2021.

Elder mos hateten katak , proposta hirak  nebe mak liu husi seleksaun dokumetus nee  Hare`e liu ba Implementasaun Programa iha Area Turismu , pekuaria ,Agrikultura no Arte.

‘’ Proposta hirak  nebe mak liu husi seleksaun dokumetus nee  bajeia ba area 4 mak  hanesan turismu nian ,Pekuaria nian hanesan hakia Animal , Agrikultura nian hanesan halo Kantareiro ,Kuda modo no arte nian mak hanesan halo Resiklagen sira nebe  mak halo lisu sai fali Produtu nebe faan iha merkadoria‘’ tenik nia .

Entertantu ; ba Grupu Juventude Suco nebe mak nia Proposta Pasa ona ne`e , Parte CDJ Municipio Lautem sei Oferese Fundus ho Montante Doalares Americano Rihun Ida (US$.1000.00) hodi ejekuta tuir Aktividades nebe mensiona iha sira nia Proposta nebe aproposta husi kada suku nebe mak liu ona nee sei hetan dolar rehun ida hodi bele ejektu tuir kada grupo juventude sira aktividade .

Jornalista:erme

Editor :Nascimento Provincial

Comment